बाँके असार १ गते ।
कोरोना भाइरस संक्रमण तिब्र रुपमा फैलिएपछि बन्द गरिएको भेरी अस्पतालको ओपिडी सेवा आजबाट पुनः सुरु भएको छ । भाइरस संक्रमितको चाप बढेसँगै अस्पतालमा ओपीडी सेवा बन्द गरेर कोभिड डेडिकेटेड सेवा संचालन गरिरहेको भेरी अस्पतालले आजदेखि पुनः ओपिडी सेवा सुरु नियमित गरेको हो ।
पछिल्ला केही सातादेखि संक्रमितको संख्या घट्दै गएपछि अस्पतालले पहिले झै नियमित ओपिडी सेवा सुरु गरेको अस्पतालका मेडिकल सुपरिटेन्डेन्ट डा.प्रकाश बहादुर थापाले जानकारी दिनुभयो । एक सातासम्म एक बजेसम्म सेवा दिने तयारी अस्पतालले गरेको छ ।
त्यसपछि जोखिमको अवस्था हेरेर पूर्णरुपमा ओपिडी सेवा सुरु गर्ने मेसु थापाले बताउनुभयो । योबीचमा भने अस्पतालले संक्रमित बिरामीको उपचार, संक्रमित बिरामीको शल्यक्रिया लगायतका सेवा दिईरहेको थियो ।
उता दाङको घोराहीमा रहेको राप्ती स्वास्थ्य विज्ञान प्रतिष्ठानले आजदेखि ओपीडी र आइसीयू सेवा फेरि सुरु गर्ने भएको छ । कोरोना भाइरसको तीव्र संक्रमणका कारण प्रतिष्ठानले गएको वैशाख १९ गतेदेखि ओपीडी र शल्यक्रिया जस्ता सेवाहरु बन्द गरेको थियो ।
Discussion about this post