बाँके साउन १५ गते ।
पत्रकारका नाममा प्रहरीबाटै रकम अशुल्न खोज्ने २ जना पक्राउ परेका छ्न । एबिपी क्राईम न्यूज नामक अनलाइनको आफुलाई सन्चालक र पत्रकार बताउने आशिष मल्ल ठकुरी र एबिपी क्राईम न्यूजका सम्बाददाता राजन बैश्यलाई बाँके प्रहरीले पक्राउ गरेको हो ।
नेपालगन्जमा कार्यालय रहेको एबिपी क्राईम न्यूज नामक अनलाइन मिडियामा कार्यरत पत्रकार हौं भन्दै प्रहरीसंग पैसाको बार्गेनिङ्ग गर्नेलाई जिल्ला प्रहरी कार्यालय बाँकेले पक्राउ गरेको छ ।
एबिपी क्राईम न्यूजको सम्बाददाता राजन बैश्यले प्रहरीसंग ‘तपाईले पैसा लिइरहेको भिडियो मसंग छ’ भन्दै होटलमा बोलाएर एक लाख ६० हजार मागेपछि प्रहरीले बैश्य सहित उक्त अनलाइनको आफुलाई सन्चालक र पत्रकार बताउने आशिष मल्ल ठकुरीलाई आज पक्राउ गरी अनुसन्धान प्रक्रिया अगाडी बढाएको बाँके डिएसपी मधुसूदन न्यौपानेले जानकारी दिनु भयो ।
बैश्यले सबैका सामु प्रहरीसंग क्यामेरा किन्नलाई १ लाख ६० हजार मागेको स्वीकारेका छन् । आषिश यस अघि प्रहरी बनाइदिने नाममा ६ लाख ठगी गरेको अभियोगमा पक्राउ परेका थिए । धरौटीमा छुटेका उनको मुद्दा अदालतमा बिचाराधिन छ।
यसैबीच नेपाल पत्रकार महासंघ बाँकेले पत्रकार आचारसंहिता भित्र रहेर कार्य गर्न सम्पूर्ण पत्रकारहरुलाई अपील गर्दै गरेको । आचारसंहिता भित्र रहेर समाचार लेखेकै कारण पत्रकारमाथि जुनसुकै पक्षबाट आउने धम्की, आक्रमणका बिरुद्ध नेपाल पत्रकार महासंघ सशक्तरुपमा अगाडी सर्दै आएको स्मरण गराएको छ ।
पत्रकारको पेशागत एवं भौतिक सुरक्षाप्रति पत्रकार महासंघ बाँके सदैव गम्भीर रहेको महासंघका अध्यक्ष दामोदर भण्डारीले बताउनु भयो ।
तर पत्रकारिता पेशाको नाम जोडेर अपराधजन्य क्रियाकलापमा संलग्न हुने, रकमको बार्गेनिङ्ग गर्ने, भिडियो र फोटो खिचेर समाचारका रुपमा प्रकाशन, प्रशारण नगरी ब्ल्याकमेल गर्ने जस्ता कार्यमा संलग्न भएको पाइएमा महासंघले वकालत नगर्ने पनि स्पष्ट पारिएको छ ।
गल्तीको भागिदार स्वयं बन्नुपर्ने भण्डारीको भनाई छ ।पत्रकार हौं भन्दै भन्सार, सीमानाकाहरुमा जाने, मोवाइल क्यामेरा तेर्साउने, राती बिभिन्न सीमा क्षेत्रमा चेकजाँच गर्न जाने र पैसाको बार्गेनिङ्ग गर्ने जस्ता कार्य गरेको भनी महासंघ बाँकेमा जनगुनासाहरु धेरै आएकाले त्यस्तो नगर्न र पत्रकार आचारसंहिता भित्र रहेर समाचार संकलन एवं प्रकाशन, प्रशारण गर्न सम्पूर्ण पत्रकारलाई नेपाल पत्रकार महासंघ बाँकेले अपील पनि गरेको छ ।
पत्रकार हौं भन्दै धम्काउने, पैसाको बार्गेनिङ्ग गर्ने जस्ता कार्यले बास्तबिक पत्रकारको पेशागत एवं भौतिक सुरक्षामा समेत असर पर्ने र पेशा नै बद्नाम हुने भएकाले त्यसलाई रोक्न अत्यावश्यक भइसकेकाले यस्ता कार्य नगर्न सबैमा अनुरोध गर्दछौ । उक्त कार्य कहीकतैबाट कसैले गरेमा महासंघ बाँकेमा खबर गर्न पनि सम्बन्धित अनुरोध गरेको छ।
Discussion about this post