बाँके भदौ ४ गते ।
मुृस्लिम समुदायको मोहर्रम पर्व चलिरहेको छ । यही चाडपर्वमा उच्छृङ्खल क्रियाकलाप गर्नेमाथि प्रहरीले निगरानी समेत बढाएको छ । चाडपर्वको नाममा उच्छृङ्खलता प्रदर्शन गर्नेलाई बाँके प्रहरीले कारवाही गरेको छ ।
मुस्लिम समुदायको मोहर्रम पर्वको नाममा हेलमेट नलगाएर मोटरसाइकल चलाउने, तीन चार जना बसाल्नेलगायतलाई कारवाही गरिएको वडा प्रहरी कार्यालयका इन्चार्ज डिल्ली बहादुर खड्काले जानकारी दिनुभयो ।
उहाँका अनुसार गएराती ७० वटा मोटरसाइकललाई कारवाही गरिएको छ । तीमध्ये ४३ जनाले जरिवाना तिरेर मोटरसाइकल लगिसकेका छन् ।बाँकीले लग्नेक्रम जारी छ । उहाँका अनुसार मोहर्रमलाई शान्तिपूर्ण र मर्यादित बनाउन आफुले सक्दो प्रयास गरेको खड्काको भनाइ छ ।
उहाँले मोहर्रम पर्व मनाउन गठन भएका समिति तथा अगुवाहरुसँगै बसेर मोहर्रम पर्वलाई व्यवस्थित र मर्यादित बनाउने काम गरिरहेका पनि बताउनुभयो ।
Discussion about this post