बाँके भदौ २८ गते ।
बाँके प्रहरीले दुई ग्राम लागु औषधसहित दुई जनालाई पक्राउ गरेको छ । नेपालगन्ज उपमहानगरपालिका–७ का २८ वर्षीय रोमन भनिने सलमान राई र त्रिबेणी गाउँपालिका–१ रुकुमका २८ बर्षकै सम्राट खत्रीलाई नेपालगन्जबाट पक्राउ गरिएको बाँके प्रहरीले जनाएको छ ।
उनीहरुको शंकास्पद गतिविधि पाइएपछि चेकजाँच गर्दा प्रतिबन्धित लागु औषध बरामद भएको प्रहरीले जनाएको छ । सानातिना प्रयोगकर्ताहरुलाई पक्राउ गरेपनि ठूला कारोवारीहरुलाई भने प्रहरीले समात्न सकेको छैन् ।
सानातिना प्रयोगकर्ताहरुलाई पछाडी घुमुवाहरु खटाउने प्रहरीले ठूलो कारोवारीहरुलाई भने मिलेमत्तोमा छाड्ने गरेको गुनासो छ । व्यूरोले नाकामा सेटिङ मिलाएर ठूला कारोवारी र प्रयोगकर्ताहरुलाई निर्वाध छाड्ने गरेको छ । डिलरवालालाई नै सुराकी बनाएको व्यूरोले त्यहीबाट मोटो रकम असुल्ने गरेको छ । सेटिंग नमिलेपछि पक्राउ पर्ने गरेको बताइन्छ।
व्यूरोमा लामो समयदेखि रजाइ गर्दै आएका छन सइ प्रेम अधिकारी । सेटिंगको सम्पूर्ण वातावरण यिनै अधिकारीले मिलाउने गरेका छन् । करिव लामो वर्षदेखि नाकामा बस्दै आएका उनले सेटिंग नमिलेकालाई पक्राउ गर्छन् । यहाँसम्म उनले संन्जाल विस्तार गरिसकेका छन् की तस्करहरुसँग पनि महिनावारी उठाउने गरेका छन् ।
उनले खासगरी धनाड्य परिवारका छोराछोरीसँग सेटिंग गर्ने गर्छन् । यसो गर्दा मोटो रकम आउँछ । उनीहरुलाई सहजै रुपैडिहा जान दिने गरेका छन् ।अनलाइन खोजखबरलाई विश्वस्त स्रोत भन्छ लागु औषध व्यूरोको टोलीले नाकामा गतिलो रकम कमाइरहेका छन्। जमुनाह नाकाको फाइल तस्वीर
Discussion about this post