चरेश बोकेर भारत जाँदै गरेका तीन जना जमुनाहमा पक्राउ

बाँके फागुन १२ गते ।
बाँकेमा तीन किलो चरेशसहित तीन जना पक्राउ परेका छन् । चरेश बोकेर भारततर्फ गइरहेको बेलामा इलाका प्रहरी कार्यालय जमुनाहा र लागु औषध नियन्त्रण ब्यूरोको टोलीले उनीहरुलाई पक्राउ गरेको हो ।

सुर्खेत सिमताका वीरेन्द्र हमाल र दिपा बुढा, जाजरकोटका खिमा खत्रीलाई पक्राउ गरेको प्रहरीले जनाएको छ । दुई महिलाले बोकेको झोलामा कालो प्लाष्टिकले बेरेर चरेश राखिएको थियो ।

कर्णाली प्रदेशका विभिन्न जिल्लामा उत्पादन हुने चरेश नेपालगन्ज हुँदै भारत लैजाने गरिन्छ । पक्राउ परेकामाथि जिल्ला प्रहरी कार्यालयमा राखेर अनुसन्धान सुरु भइरहेको पनि प्रहरीले जनाएको छ।

ADVERTISEMENT