बाँके फागुन १२ गते ।
एमसीसीको विरोधमा नेकपा माओवादी निकट वाइसीयल नेपालले नेपालगन्जमा विरोध प्रदर्शन गरेको छ ।
देशव्यापी कार्यक्रम अन्तर्गत वाइसीयलले नेपालगन्जको न्यूरोडबाट पुष्पलाल चोकसम्म र्याली प्रदर्शन गर्दै कोणसभामा गरेको हो ।
कोणसभालाई सम्वोधन गर्दै वाइसीयल बाँकेका इन्चार्ज किष्मत अलि शेषले संसदमा टेवल भएको एमसीसी तत्काल खारेज गरिनु पर्ने बताउनुभयो ।
अमेरिकी साम्राज्यवादको विरुद्धमा निरन्तर आन्दोलन जारी राख्ने पनि उहाँको भनाइ छ । उहाँले एमसीसी नेपालको राष्ट्रकोहितमा नभएको समेत जिकीर गर्नुभयो ।
एमसीसी परियोजनाका नाममा नेपालको राष्ट्रिय अखण्डता साट्न नसकिने उहाँको भनाइ छ ।
अन्य दलहरु पनि सडकमा
यस्तै एमसीसीको विरोधमा बाँकेमा अन्य ६ दलिय कम्युनिष्ट पार्टीले पनि जिल्ला प्रशासन कार्यालय अगाडि र वीपी चोकमा प्रदर्शन गरेका छन् । उनीहरुले नारावाजी गर्दै एमसीसी राष्ट्रहितमा नभएको भन्दै खारेज गर्न माग गरेका थिए । ५५ अर्व रुपैयाँको नाममा नेपालको सार्वभौमिकता साट्न नमिल्ने उनीहरुको माग छ ।
यस्तै राप्रपाले पनि नेपालगन्जको वीपी चोकमा प्रर्दशन गरेको छ । एमसीसी खारेजको माग गर्दै राप्रपाले टायर बालेर प्रदर्शन गरेको राप्रपाको सहमहामन्त्री ऋषि देवकोटाले बताउनुभयो । सरकारले एमसीसी संसदबाट पारित गराउन परियोजना टेवल गरेपछि देशभर प्रदेशन भइरहेको छ ।
सत्ताधारी दल नेकपा माओवादी केन्द्र, एकिकृत समाजवादीलगायतका दलहरु एमसीसी खारेजको पक्षमा उभिएका छन् । उनीहरुले एमसीसीको पक्षमा मतदान नगर्ने निर्णय समेत गरिसकेका छन् ।
Discussion about this post