बाँके बैशाख १५ गते ।
बाँकेको जानकी गाउँपालिकामा गठबन्धनबाट अध्यक्ष पदका उम्मेदवार बनेका राजिव वर्मा बाजागाजासहित चुनावी घरदैलोमा निस्किएका छन् ।
नेकपा माओवादी केन्द्र र जनता समाजवादी जसपाबाट जानकी गाउँपालिकाको अध्यक्ष पदका उम्मेदवार बनेका राजिव वर्मा स्थानीय तहमा लोकप्रिय युवा नेता हुन् । राजनीतिमार्फत समाजसेवालाई अगाडि बढाएका उनी घरघरमा पुगेर जनताको भावना बुझ्दै त्यसलाई पूरा गर्ने प्रतिबद्धतासहित चुनावी अभियानमा खटिएका छन् ।
युवा पुस्ताका लोकप्रिय नेता वर्माले आफु जिते आफ्नो गाउँपालिकाको विकासका लागि अहोरात्र खटिएर सेवा गर्ने प्रतिबद्धता जनाएका छन् । उनले पालिकाको भौतिक पूर्वाधारको विकास, शिक्षा, स्वास्थ्यलगायतको समस्या हल गरिने प्रतिबद्धता जनाएका छन् । स्थानीयबासीहरुले पनि उनीप्रति भरोसा राखेका छन् ।
अहिलेसम्म आफ्नो पालिकाको विकासमा कुनैपनि जनप्रतिनिधिले काम गर्न नसकेको भन्दै स्थानीयबासीले अव काम गर्ने र युवाहरुलाई जिताउनु पर्ने बताउँन थालेका छन् ।
Discussion about this post