बाँके बैशाख १५ गते ।
नेपालगन्ज उपमहानगरपालिका–१ मा जनता समाजवादी पार्टीबाट वडाअध्यक्षका उम्मेदवार बनेका मोनु कुमार गुप्ताप्रति स्थानीयबासीको साथ र समर्थन बढ्दै गएको छ ।
आफुलाई नेता भन्दापनि जनताको सेवक भएको भन्न रुचाउने गुप्ताको स्वभावका कारणपनि स्थानीयबासी उनीप्रति आशातित देखिएका छन् । गुप्तालाई दिनहुँ स्थानीय मतदाताको साथ, समर्थन र आर्शिवाद वर्षिरहको छ ।
उनी भन्छन्–‘म नेता होईन जनताको सेवक भएर काम गर्नेछु, मेरो प्यानलले वडाका सम्पुर्ण नागरिकको आवश्यकता र चाहना अनुरुप योजना बनाई अगाडि बढ्ने छु जनताले माग गरे अनुसारका बिकासका गतिविधि लाई प्राथमिकता दिनेछु ।’जनताको माग अनुसारको सेवा गर्ने चाहना मतदाताले पूरा गर्ने उनको विश्वास छ ।
उनले आफ्नो वडामा शिक्षा स्वास्थ्य भौतिक पुर्वधारका योजमा तथा अन्य बिकासका गतिविधिलाई अगाडि बढाइने प्रतिबद्धता जनाएका छन् । गुप्ताले घरघरमा पुगेर जनताको समस्या बुझीरहेका छन् । आफु निर्वाचित भए ति समस्या समाधान गर्ने उनले प्रतिबद्धता व्यक्त गरेका छन्।
Discussion about this post