बाँके बैशाख १६ गते ।
नेपालगन्ज उपमहानगरपालिका १८ मा नेकपा एमालेबाट वडाअध्यक्ष पदका उम्मेदवार बनेका दीपक वर्माले आफ्नो चुनावी अभियानलाई तीब्र बनाएका छन् ।
अघिल्लो पाँच वर्षको अवधिमा बाँकी रहेका विकास निर्माणका अधुरा कामलाई पूर्णता दिने बाचासहित उनी घरदैलो अभियानमा व्यस्त छन् ।
उनले वडा नम्वर १८ का विभिन्न टोल र वस्तीमा पुगेर मतदातालाई भेटघाट गर्ने, सम्बृद्ध वडा निर्माणका लागि आफुले गरेका कार्यहरुलाई जानकारी गराउनेलगायतका काम मतदातामाझ राख्ने गरेका छन् ।
भौतिक पूर्वाधार निर्माण र मानवीय विकासलाई सँगसँगै लैजानेगरी आफु अगाडि बढेको उनको भनाइ छ । विकासप्रेमी वडाअध्यक्षकोरुपमा आफ्नो पहिचान बनाएका वर्माले आफ्नो कार्यकालमा थुप्रै विकास निर्माणका कामहरु भएको बताउने गरेका छन् । योवर्ष मात्रै सातवटा सडक निर्माणको काम भएको उनले बताए ।
महिला, बालबालिका, अपांगता भएका व्यक्तिहरुको सवालमा पनि प्रभावकारी ढंगबाट आफुले काम गरेको उनको भनाइ छ । वर्माप्रति मतदाताले समेत साथ र समर्थन दिने गरेका छन् । वर्माले जितेमात्रै आफ्नो वडाको विकास हुने अधिकांश मतदाताहरु बताउँछन् ।
Discussion about this post