बाँके बैशाख १६ गते ।
राजनीतिमा छोटो समयमा व्यापक चर्चा कमाएका नेता हुन कमरुद्दिन राई । नम्र बोली अनि सरल स्वभावका कारण उनी सबैका प्रिय मानिन्छन् ।
अकबर अली (गोब्रे) र हभिभन राईको कोखबाट २०३४ सालमा नेपालगन्जमा जन्मिएका कमरुद्दिन राई सरल स्वभावका व्यक्ति त हुन नै उनी निडर पनि छन् । सानै उमेरदेखी समाजसेवा गर्न रुचाउने राईको आधाआधी जिवनत समाज सेवा अनि अरुलाई सहयोग गर्दै बितेको छ । १९ बर्षको उमेर देखि नै राजनीति गरे पनि उनले पद र शक्तिलाई कहिल्यै चासो दिएनन् ।
उनले लामो समय पार्टीको कुनै पदमा नबसेरै भएपनि जनताको सेवामा निरन्तर खटिनै रहे । तर पछिल्लो समय भने उनले जनता समाजवादी पार्टीको जिल्ला कमाण्डर छन अर्थात जिल्ला नेतृत्व हाँकिरहेका छन् । तिनै कमाण्डर अहिले नेपालगन्जको मुहार फेर्ने सपना बोकेर उपमेयरमा चुनावी प्रतिस्पर्धामा छन् ।
उनकै नेतृत्वमा २०६४ र २०७० सालको संविधानसभाको चुनावमा पार्टीलाई जिताउन सफल भए । २०७४ सालको स्थानीय तहको निर्वाचनमा पनि पार्टीका उम्मेदवारहरुले सम्मानजनक जित हासिल गरेका थिए । उनी नेपालगन्जमा मात्रै नभैइ समग्र बाँके जिल्लामा एउटा परिचित नाम अनि युवाहरुको रोजाईमा पर्न सफल र युवाहरुकालागि भविष्यमा सम्भावना बोकेका नेता हुन् ।
जनता समाजबादी पाटी भित्रको उदाउँदो नेताका रुपमा परिचित उनी केवल नमकालागी नभई कामकालागी पनि उत्तिकै खारिएका जनताको सेवकको रुपमा परिचित छन् । पछिल्लो समय देशको अनि पार्टीभित्रको खिचातानीले उनलाई मेयरको टिकट पाउन अलि गार्हो भएता पनि राजनीतिमा अवसर सबैलाई दिनुपर्छ भन्ने सोचले आफू केही लचिलो भएको बताए ।
झण्डै २ दशक बढि लामो राजनीतिक यात्राको संघर्ष पछि आज उनी नेपालगन्जमा उपमेयरमा चुनाव लड्दैछन् । उनको यो सफलतासँगैनेपालगन्जका जनता एकदमै हर्षित भएका छन् । टिकट मात्र पाउँदा यति हर्षित छन् । भने उनले सफलता प्राप्त गरेको दिन जनताको मन हर्षले बिभोर हुनेछ । यो समयसम्म आई पुग्दा उनले पार्टी र जनसमुदायको हीतकालागी थुप्रै विकासका कामहरु गरेका छन् ।
नेपालगन्जमा एउटा उनी मात्र एक यस्ता नेता हुन् जसलाई अन्य पार्टिमा आस्था राख्ने र फरक बिचार भएकाहरुले पनि साथ दिएका छन् । नेपालगन्जको बिकास र सेवामा प्रत्येक्ष जोडिएका राईले मुस्लिम समुदाय मात्र नभैइ समग्र उपमहानगरपालिका भित्र रहेका जुनसुकै समुदाय किन नहोस् चेतना स्तरबाट बलियो हुनु पर्छ भन्ने मान्यता राख्दछ्न।
उनको प्राथमिकतामा जहिले पनि महिला, बालबालिका युवा अनि उनीहरुले पाउने शिक्षाको विषय नै रह्यो । यसका साथै राज्यद्धारा पछाडि पारिएका समुदाय र उनीहरुको अधिकारको विषय नै उनको जिवनको राजनीतिक प्रयास रहेको छ । उनले समाजसेवा अनि राजनीति बुझेको दिन देखि आजका दिनसम्म जस्तो सुकै अवस्था आएतापनि कहिले डगमगाएन् ।
जनआन्दोलन होस् वा मधेश आन्दोलन होस् । कोभिड १९ ले थलिएको बेला नै किन नहोस् । उनी निरन्तर जनताको काममा दिनरात खटिएका छन् । उनी जनताका काममा खटिएकै कारण जनताको प्रिय बनेका छन् । जनतासँग काम गर्न रुचाउने अनि जनतालाई उनको सहयोगी भावना र काम मनपर्ने हुँदा कहि कतै बिपक्षले उनको राजनीतिक यात्रालाई असफल बनाउन दिनरात लागिरहँदा पनि जनताको चाहाना अनि हिम्मतले गर्दा उनिलाई यस निर्वाचनमा नगर उपप्रमुख पदमा लड्ने हिम्मत मिलेको छ ।
उनले आफू नगर उपप्रमुख भएपछि सबैभन्दा पहिले जुनसुकै बर्ग समुदायको बिपन्न परिवार होस उनिहरुको लागि स्वास्थ्य, शिक्षा र रोजगारीको गारेण्टी गर्ने र अन्य जिल्ला र गाउँठाउँबाट आउने महिला दिदिबहिनिहरुलाई बजारमा किनमेल गर्न आउँदा शौच गर्न समस्या हुने हुँदा महिला विशेष शौचालय निर्माण गर्ने र नेपालगन्ज भित्र पार्किङ व्यवस्था र रिक्सा ठेलालाई व्यवस्थित गर्दै नेपालगन्ज लाई सुन्दर नगरी बनाउने प्रतिबद्धता व्यक्त गरेका छन् । आशा छ उनले जनमतको कदर गर्दै पार्टी अनि आफुले बनाएका चुनावी नारा अनि प्रतिबद्धतालाई पूरा गर्न कुनै कसुर बाँकी राख्ने छैनन् ।
Discussion about this post