बाँके बैशाख २० गते ।
राप्रपाका तर्फबाट नेपालगन्जका मेयर पदका उम्मेदवार नन्दलाल बैश्यले मुस्लिम समुदायको इद पर्वको अवसरमा अधिकांश मुस्लिम समुदायलाई भेटेर शुभकामना आदानप्रदान गरेका छन् ।
नेपालगन्जको वीपी चोकस्थित इदगाहमा पुगेर बैश्यले सम्पूर्ण मुस्लिम समुदायसँग अंकमाल गर्दै एक आपसमा शुभकामना आदानप्रदान गरेका हुन् ।
चुनावको माहोलमा मात्र होइन नन्दलाल बैश्य सबै धर्म समुदायका चाडपर्वमा शुभकामना आदानप्रदान गर्न पुग्ने गर्छन् । नेपालगन्ज सामाजिक र धार्मिक सदभावको शहर भएकाले सबै धर्म समुदायलाई सम्मान गर्नुपर्ने उनी बताउँछन् ।
सामाजिक क्षेत्रमा समेत आफ्नो पहिचान स्थापित गरिसकेका उनी सहयोगी, मिलनसार र सवैलाई समान व्यवहार गर्छन् । त्यसैले त नन्दलाललाई नेपालगन्जबासीले रुचाउने गरेका छन् ।
इद पर्वमा विहानै इदगाह पुगेका उनले खानेपानी तथा मिठाइ समेत वितरण गरेका थिए । इदगाहमा नमाज पढन ठूलो संख्यामा मुस्लिम समुदायको उपस्थिति हुने र शुभकामना दिन अन्य धर्म समुदायका व्यक्तिहरुले पनि पुग्ने भएकाले यो गर्मीमा राहत पुगोस भनेर बैश्यले पानी वितरण गरेको बताए ।
सामुहिक नमाजपछि बैश्यले फोहोर व्यवस्थापनको काम समेत आफैले गरेका थिए । उनले यसअघि पनि नेपालगन्जलाई सुन्दर नगरी बनाउनका लागि फोहर व्यवस्थापनको अभियाननै चलाएका थिए ।
त्यसैले नेपालगन्ज नगरबासीहरुले अन्य नेताहरु जस्तो नन्दलालले गफ नदिने र नन्दलालले कुरामात्र नभएर काम पनि गर्ने गरेको अनुभव सुनाए ।
Discussion about this post