बाँके बैशाख २४ गते ।
नेपालगन्जका लागि कमरुद्दिन राई नयाँ नाम होईन । २०७४ सालको निर्वाचनमा पनि उम्मेदवार थिए । मेयर पदका उम्मेदवार उनले सम्मानित मत ल्याए ।
तर योपटक भने उनी उपमेयर पदमा चुनावी प्रतिस्पर्धामा छन् । मेयरकै तयारी गरेपनि काँग्रेससँगको गठबन्धनका कारण जसपालाई उपमेयर पद भागमा पर्यो ।
सोही अनुसार उनी उपमेयरमै चित्त बुझाउन सफल भए ।अघिल्लो निर्वाचनमा मेयर पदमा चुनावमा हार बेहोरे संगै जनताको घरदैलोमा सधैजसो देखा पर्ने मुहारको रुपमा कमरुद्दिन राई नेपालगन्जमा परिचित छन् ।
कोरोना कहरमा नेपालगन्ज इपि सेन्टर हुँदा कयौं नगरबासी भोकै बस्नुपर्ने अवस्थामा राई कहिल्यै घर बसेनन्, कोरोना संक्रमणको जोखिमको बिच राई जनताको घर घरमा पुगेर खाद्यान्न संगै स्वास्थ्य सामाग्री लिएर पुगेका उनी नेपालगन्जबासीको लागि नयाँ अनुहार होईन ।
चुनावमा मात्रै वा राजनैतिक दल सम्बद्ध कार्यक्रम मात्रै सिमित नहुने उम्मेदवारको रुपमा कमरुद्दिन राईले आफ्नो परिचय छोडेका छन् । जनताको सेवा गर्नलाई कुनै पदनै चाहिन्छ भन्ने होईन नेपालगन्ज उपमहानगरपालिकाको उपमेयरका उम्मेदवार बनेका राइले भने ।
जसपा बाँकेको अध्यक्ष बनेर पछिल्लो ५ बर्ष बाँके जिल्लामा संगठन निर्माण र जनताको सरोकार राख्ने काममा सदैव सक्रिय रहेका राई जनता माझ लोकप्रिय नेताको रुपमा चिनिन्छन । उपमेयरका उम्मेदवार राई नेपालगन्जको टोल टोलमा पुग्दा उनलाई जितको आशिर्वाद दिनेको ठूलो भिड देखिन्छ ।
नेपालगन्जका मतदाताले उनलाई आफ्नो टोलमा स्वागत गर्छन्, माया दिन्छन् अनि चुनाव जिताउने बाचा सहित आफ्नो दैलोमा आएकोमा धन्यवाद दिन्छन् ।
नेपालगन्ज उपमहानगरपालिकाको उपमेयरमा जिते पछि नेपालगन्ज नगरको बिकास, शिक्षा, स्वास्थ्य र अतिबिपन्न जनताको जिवनस्तर माथि उकास्न उनी थुप्रै योजना सुनाउछन् ।
राई भन्छन्, ‘म सेवा गर्नैको लागी चुनावमा उठेको छु, मलाई बिश्वास छ नगरबासीले मलाई बिश्वास गर्नु हुनेछ र त्यो बिश्वासमा मैले नगरबासीको आशा देखेको छु जुन आशा पूरा गर्न म प्रतिबद्ध छु।’
Discussion about this post