बाँके जेठ १९ गते ।
नेपालगन्जको वीरेन्द्रचोकमा राष्ट्रिय प्रजातन्त्र पार्टीका कार्यकर्ताले राखेको पूर्वराजा वीरेन्द्रको शालिक प्रहरीले हटाएपछि भएको झडपमा ९ जना सुरक्षाकर्मी घाइते भएका छन् ।
जिल्ला प्रहरी कार्यालय बाँकेका डिएसपी मधुसूदन न्यौपानका अनुसार ७ जना नेपाल प्रहरीका र दुई जना सशस्त्र प्रहरी घाइते भएका हुन् । उनीहरुको नरसिंह होममा उपचार भइरहेको छ । प्रहरीले चार जना प्रदर्शनकारीलाई पक्राउ गरेको छ।
बिगतमा पनि नेपालगन्जको पुरानो वीरेन्द्रचोक र अहिलेको धम्बोजी चोकमा राजा वीरेन्द्रको शालिक राख्ने क्रममा विवाद भएको थियो । आज विहान राप्रपाका केही नेता कार्यकर्ताले राजा वीरेन्द्रको शालिक राखेको खबरपछि प्रहरी पुगेर त्यो शालिक हटाएको हो ।
दिनभर तनावग्रस्त बनेको वीरेन्द्र चोकको अवस्था अहिले भने सामान्य बन्दै गएको छ।
ADVERTISEMENT
Discussion about this post