नेपालगन्ज कारागारको व्यवस्थापन सुधार हुँदै छ–ः सोनकर

बाँके साउन २२ गते ।
नेपालगन्ज कारागारको व्यवस्थापन सुधार हुँदै गएको छ । जिल्ला प्रशासन कार्यालयका प्रशासकिय अधिकृत रामकुमार सोनकरले कारागार प्रमुखको जिम्मेवारी सम्हालेपछि कारागारको व्यवस्थापन सुधार हुँदै गएको हो ।

कैदीबन्दीहरुले पनि अघिल्ला कारागार प्रमुख भन्दा सोनकर आइसकेपछि कारागारभित्रको व्यवस्थापन सुधार भएको महसुस गर्न थालेका छन् । कारागारभित्रको सरसफाईलाई व्यवस्थित गरिँदै लगिएको छ । कारागारभित्रको नालाहरु पनि सफाई गर्ने गरिएको छ । जस्का कारण यसअघि हुँदै आएको दुर्घन्ध अहिले हटेर गएको छ ।

यस्तै कारागार हाताभित्र माटो पटानको काम गरिएको छ । कैदीबन्दीलाई भेट्न आउने आफन्तहरुलाई लक्ष्ति गरेर प्रतिक्षालय निर्माण गरिएको छ । ‘पहिलेको भन्दा कारागारलाई सुधार गर्ने प्रयासमा छौं कारागार प्रमुख सोनकर भन्नुहुन्छ–‘तर क्षमता भन्दा बढी कैदीबन्दी भएकाले व्यवस्थापनमा चुनौति छ ।’

कारागारको सुरक्षालाई समेत अहिलेको व्यवस्थापन पक्षले जोड दिएको छ । त्यही भएर प्रदेश र स्थानीय सरकारसँग समन्वय गरेर बजेट माग गरिएको सोनकरले बताउनुभयो ।