टेकबहादुर पुन, देउखुरी असोज २३ गते । दाङ्गको लमही नगरपालिका पशुसेवा उप–शाखा कार्यालयले कृत्रिम गर्भधान सेवा पुन सञ्चालनमा ल्याएको छ । पशु व्यवसाय लाई फस्ट्याउन पशुको कृत्रिम गर्भाधान (एआई) गर्ने व्यवस्था लागू भएपछि देउखुरीका पशुपालक कृषकहरु हर्षित भएका छन् । कृतिम गर्भधानकर्ता प्रविधिक अभावका कारण कृतिम गर्भधान सेवा बन्द रहेको थियो । समायोजन पश्चात दुइजना कृत्रिम गर्भधानकर्ता प्रविधिक पशु सेवा उप–शाखा कार्यालय लमहीमा आएपछि पुनः कृतिम गर्भाधान सेवा विहिवार देखि सञ्चालनमा अाएको लमही नगरपालिका पशुसेवा उप–शाखा कार्यालयका प्रमुख हेमराज अचार्यलले जानकारी दिनुभयो ।
करिब डेढ बर्षदेखी प्रविधिक अभावका कारण कृत्रिम गर्भधान सेवा सँचालनमा अाउन सकेको थिएन । समायोजन पश्चात् प्राबिधिक अाएपछि कृत्रिम गर्भाधान सञ्चालन गरेको प्रमुख अाचार्यले बताउनुभयो । यस्तै लमही नगरपालिका पशुसेवा उपशाखा कार्यालय लमहीमा कृत्रिम गर्भधानकर्ता प्रमुख हेमराज, प्राविधिक सहायक गणेश चौधरी गरि दुइजना दक्ष लाईसेन्स प्राप्त कर्मचारी आएपछि कृत्रिम गर्भधान सेवा पुन सञ्चालन भएको हो ।
पशु सेवा कार्यालय लमहीमा बढीमा ५० रुपैयामै कृतिम गर्भाधान गर्न सकिने प्राबधान छ । तर कार्यालयमा प्राबिधिकको अभाबले देउखुरीका किसानहरु गढवा र लालमटिया स्थित निजिस्तरका गर्भाधान कार्यालयमा चर्को शुल्क तिरी गर्भाधान गराउन बाध्य थिए ।
निजिस्तरबाट ५ सय रुपैया देखि १हजार सम्म शुल्क तिरि पशुलाई कृत्रिम गर्भधान गराउन बाध्य भएको लमही नगरपालिका वडा नम्बर ९ रिहार निवासी मंगलप्रसाद चौधरीले बताउनुभयो ।
यस्तै लमही नगरपालिका वडा नम्बर ८ का हरिहर चौधरीले आफूले चाहे अनुसारको उन्नत जातको पशुको उत्पादन हुने, छिटो, सजिलो र दूधको उत्पादनमा वृद्धि हुने भएकाले किसान कृत्रिम गर्भाधान प्रक्रियामा आकषिर्त भएको बताउनभयो ।
यस्तै नगरपालिकाको प्रस्तावित कार्यक्रम स्वीकृत भएपछि गाउँ गाउँमा पुगेर ५० प्रतिशत अनुदान र पशु सेवा उप–शाखामा निशुल्क कृत्रिम गर्भधान गराउने लक्ष्य रहेको लमही नगरपालिका पशु सेवा उप–शाखा कार्यालय लमहीका प्रमुख आचार्यले जानकारी दिनुभयो । कार्यालयले गाउँगाउँमा पुगेर नशुल्क कृतिम गर्भाधान गराउने लक्ष लिएको पनि जनाईएको छ । अार्थिक बर्ष २०७६/७७ मा पशु सेवा उप शाखा कार्यालय लमहीले ३ सय देखि ४ सय गाई भैसि र १ हजार बाख्रामा कृतिम गर्भाधान गराउने लक्ष्य लिएको जनाएको छ ।
Discussion about this post