बाँके फागुन १ गते ।
कोहलपुर नगरपालिकाद्धारा आयोजित अन्तर मा.बि. उपमेयर कप क्रिकेट प्रतियोगिताको ट्रफि त्रिभुवननमुना माध्यामिक बिद्यालय कोहलपुरले हात पार्न सफल भएको छ। ५८ रनले त्रिमाबिले ज्ञानपुञ्जमाथी बिजय हासिल गरेका हो ।
टस जितेर ब्याट रोजेको त्रिभुवन मा.बि.ले २० ओभरमा ५ बिकेट गुमाउदै १६६ रन ल्याउन सफल भएको थियो । १५७ को लक्ष्यमा सगरमाथा ज्ञानपुञ्जले ८ बिकेट गुमाएर ९८ रनमा सिमित हुदा ५८ रनले त्रिभुवन मा.बि. बिजयी भएको हो ।
समापन कार्यक्रमका अबसरमा प्रमुख अतिथी समेत रहेकी लुम्बिनी प्रदेश सभा सदस्य सञ्जु कुमारी चौधरीले जुनसुकै खेल खेलेता पनि त्यसलाई व्यवसायिक रुपमा लैजानुपर्ने धारणा ब्यक्त गरेकि छिन ।
उनले अझै पनि गाउँ घरमा महिलाले कुनै पनि खेल खेल्दा हिचकिचाउने र झन क्रीकेट खेल्दा महिलाले पनि क्रिकेट खेल्ने हो र भन्ने गरेको बताउदै यस्तो मानसिकतालाई परिवर्तन गर्न ग्रामिण स्तरका बिद्यालयहरुमा छात्रा क्रिकेटलाई प्राथामिकतामा राखेर खेलाउदै समाजमा समेत छात्रा क्रिकेटबारे सचेतना फैलाउनुपर्नेमा जोड दिईन ।
उनले यस क्षेत्रलाई खेलकुदको माध्यबाट चिनाउन आफू अनवरत लागि रहने र क्रीकेटमा छात्राहरुलाई स्थापित गराउन क्रिकेटका लागि आफुले सदनमा समेत आवाज उठाउने भन्दै प्रदेश सभा सदस्य चौधरीले निती निर्माण तहमा छात्रा क्रिकेटका लागि उचित ब्यबस्था गर्न प्रयासरत रहने बताईन ।
कोहलपुर नगर प्रमुख पुर्ण प्रसाद आचार्यले छात्रा क्रिकेटलाई उत्सवका रुपमा लिनुपर्नेमा उत्साहजनक उपस्थिती समेत नभएको प्रति चिन्ता ब्यक्त गर्दै संस्थापक बिद्यालयहरु विजेता उपविजेता हुदा पनि शिक्षक अभिभावकहरुले चासोको रुपमा नलिनु दुखद भएको गुनासो व्यक्त गरेका छन् ।
उनले पछिल्लो समय बिकास र परिवर्तन भनेको सडक कालोपत्र मात्र हो भन्ने बुझाईलाई चिर्नु पर्ने बताउदै पुर्वाधार बिकासलाई बढी जोड दिएको तर मानवीय बिकासलाई जोड नदिने गरेको बताए।
उनले बिधालयले शिक्षक नियुक्तिका लागि मात्र अतिरीक्त श्रोतको खोजी गर्ने तर अन्य कुरामा चासो नदिने भन्दै बिद्यालयहरुले बालबालिकाको स्वास्थ्यमा समेत महत्व राख्ने खेल क्षेत्रलाई पनि अतिरिक्त श्रोत परीचालन गर्नुपर्नेमा जोड दिए ।
छात्रा क्रिकेटका लागि प्रयाप्त बजेट छुट्टयाउन नगरपालिका सधै तत्पर रहेको भन्दै नगर प्रमुख आचार्यले आउदो निती तथा कार्यक्रममा सबैकुरा समेटेर लैजाने प्रतित्रद्धता ब्यक्त गरे ।
यस्तै कार्यक्रमको अध्यक्षता ग्रहण गरेकी उपमेयर संगीता सुबेदीले राष्ट्रको लागि खेल र स्वास्थका लागि खेल भन्ने नारालाई कोहलपुर नगरपालिकाले आत्मसात गर्दै यो उपमेयर कप छात्रा क्रीकेटको आयोजना गरेको बताएकी छिन । उनले समग्र रुपमा क्रीकेट अनि अन्य बिधाका खेलहरु मार्फत कोहलपुरलाई चिनाउन लागिपर्ने बताएकी छिन।
विजेता त्रिभुवन माबिका छात्रछात्राहरुलाई कार्यक्रमका प्रमुख अतिथी लुम्बिनी प्रदेश सभा सदस्य सञ्जु कुमारी चौधरी, नगर प्रमुख पुर्ण प्रसाद आचार्य लगाएत अतिथीहरुले विजेता टिमलाई २१ हजार नगद प्रमाण पत्र र ट्रफि तथा उप विजेता सगरमाथा ज्ञानपुञ्जका छात्रछात्राहरुलाई ११ हजार नगद प्रमाण पत्र र ट्रपि बितरण गरेका थिए । प्रतियोगिताको पिलेर अफ द म्याच त्रिभुवन मा.बि. कै श्रुति बुढा भएकी छिन ।
कोहलपुर नगर खेलकुद विकास समितीको सञ्चालन ब्यबस्थापन तथा बांके जिल्ला क्रिकेट संघको प्राबिधिक सहयोगमा समेत सञ्चालित छात्रा क्रिकेट प्रतियोगिताको समापन समारोहमा लम्बिनी कर्णाली क्रिकेट संघका संयोजक दुर्गा बहादुर थापा, शिक्षक महासंघ कोहलपुरका अध्यक्ष राम प्रसाद चापागाई, प्याब्सन बांकेका अध्यक्ष यम बहादुर रावत लगाएत अतिथीहरुले छात्रा क्रिकेटका बारे आ आफनो धारणा राखेका थिए भने ५ औं अन्तर छात्रा क्रिकेट समापन समारोहमा राखेप सदस्य एल.बि क्षेत्रि, बांके क्रिकेट संघका अध्यक्ष सरोवर प्रसाई, वडा अध्यक्षहरु विरेन्द्र शाह, हरसिंग कठाएत,कल्पना अधिकारी, डम्मर खडका, लाल बहादुर राना राजनैतिक दलका प्रतिनिधि, शिक्षक बिद्यार्थीहरुको उपस्थिती रहेको थियो ।
कोहलपुर क्षेत्र अन्तरगतका बिद्यालयहरु मध्य ९ वटा मात्र बिद्यालय सहभागि छात्रा क्रिकेट प्रतियोगितामा उल्लेख्य मात्रामा बिद्यालयहरु सहभागिता हुन नसकेको प्रति सरोकारवालाहरुले चिन्ता ब्यक्त गरेका थिए।
कोहलपुर नगर खेलकुद विकास समितीका अध्यक्ष बुद्धि बहादुर थापाको स्वागत मन्तब्यसंगै प्रारम्भ भएको ५ औं छात्रा क्रिकेट प्रतियोगिताको सभापतित्व नगर उप प्रमुख संगिता सुबेदीले गरेकी थिईन । कार्यक्रमको सञ्चालन बिनोद भट्टराईले गरेका थिए ।
Discussion about this post