खड्क सुनार मुगू असोज २९ गते । नेपाल पत्रकार महासंघ शाखा कार्यालय मुगुद्धारा आर्थिक सहयोग गरेका छन् । नेपाल पत्रकार महासंघ हुम्लाका अध्यक्ष अर्जुन बोहोराको स्वास्थ्य लाखको कामना गर्दे आज नेपाल पत्रकार महासंघ द्धारा आयोजित एक कार्यक्रमका बीच मुगु जिल्लाका पत्रकार तथा स्थानीय रेडियोकर्मीहरुले अध्यक्ष बोहोरा लाई आर्थि सहयोग गरेका हुन् ।
अध्यक्ष बोहोराको स्वास्थय लाभलाई लक्षित गर्दै आज मात्र १० हजार सम्म संकलन भएको र बाँकी रकम संकलन हुन बाकि रहेको भन्दै मुगु बाट ५० हजार सम्म रकम संकलन हुने नेपाल पत्रकार महासंघ शाखा कार्यालय मुगुका अध्यक्ष नृपेन्द्र बहादुर मल्लले विश्वास गर्नु भएको छ । मस्तिष्क घातका कारण उपचाररत पत्रकार बोहोराको उपचारमा आर्थिक अभावका कारण आर्थिक सहयोग गरेको अध्यक्ष मल्लले बताउनु भयो । उहाको काठमाडौंको बाँसघारीस्थित न्युरो अस्पतालमा उपचार भईरहेको छ । मस्तिष्क घातका कारण उनको शरिरको दाइने भाग चल्न छोडेको छ ।
यही असोज १९ गते बोहोरा एक्कासी बेहोस भएको र त्यसपछि बोली सहित शरिरको दाहिने भाग चल्न छोडेको उहाका दाइ विष्णु बोहोराले जानकारी दिनु भयो ।
थाहा मिडियाका हुम्ला संवाददाता समेत रहेका बोहोरा नेपाल पत्रकार महासंघ हुम्लाका अध्यक्ष हुनुहुन्छ ।
बोहोराको उपचारका लागि सहयोग गर्न देशभरका थाहा संवाददाता तथा पत्रकारहरुले आर्थिक अभियान संचालन गरिरहेका छन् । उहाको उपचारका लागी बिष्णु बोहोराको नाममा रहेको राष्ट्रिय बाणिज्य बैंक, शाखा कार्यालय सिमिकोट हुम्लाको खाता नम्बर ४१९०००४९२७१० मा जम्मा गरिने अध्यक्ष मल्लले जानकारी दिनु भएको छ ।
Discussion about this post