दाङ असोज ३० गते । दाङको राजपुर गाउँपालिका वडा नंं ४ को मुग्रेटाखोला नजिकै विप्लव समूहको बैठक भइरहेको सुचना पाएपछि प्रहरीले बैठक स्थल कब्जा गरेको थियो । बैठकस्थल कब्जा गरेर प्रहरीले विप्लवका दाई सहित २१ जना नेता तथा कार्यकर्तालाई पक्राउ गरेको छ।
दाङको राजपुर गाउँपालिका वडा नम्बर ४ मुङग्रेटा खोला स्थित एक जंगलबाट २१ जना विप्लब का नेता तथा कार्यकर्ता हतियार सहित पक्राउ परेका हुन । त्यहाँ बिप्लवको बैठक भईरहेको सूचनाका आधारमा पुगेको प्रहरीको टोलीले बिहीबार राति १ बजेतिर पक्राउ गरेको हो ।
पक्राउ पर्नेमा बिप्लवका मध्यपश्चिम कमाण्ड ईञ्चार्ज बिरजंग चन्द, केन्द्रीय सदस्य तथा राप्ती ब्यूरो ईञ्चार्ज सुवास बाठा, युवा संगठनका केन्द्रीय अध्यक्ष पाटनलगायतका नेता तथा कार्यकर्तालाई पक्राउ गरिएको प्रहरी को उच्च श्रोत ले जानकारी दिएको छ ।
पक्राउ पर्ने हरुमा
१) चन्द्रबहादुर चन्द (वीरजङ्ग) –केन्द्रीय सदस्य तथा लुम्बिनी ब्यरो ईन्चार्ज एवम् मध्य पश्चिम कमाण्ड ईन्चार्ज
२) केशवबहादुर बाँठा मगर (सुवास) –राप्ती ब्युरो ईन्चार्ज
३) रामबहादुर थापा (सुन्दर) – राप्ती ब्युरो एवम् न्याय विभाग समिति जिल्ला संयोजक
४) सविन पोख्रेल –राप्ती ब्युरो कार्यालय सचिव
५) यमलाल कटुवाल(विक्रम) जिल्ला ईन्चार्ज
६) प्रदीप वली – जिल्ला सेक्रेटरी
७) बविन केसी (पाटन, जंगली) – युव संगठन नेपाल केन्दीय अध्यक्ष
८) सुनिल पौडेल–वुद्धिजिवी
९) एकराज चौधरी -एरिया नम्बर ४ ईन्चार्ज एवम् जिल्ला जनपरिषद् सदस्य
१०) धनबहादुर बोहोरा (महान) -एरिया नम्बर १ ईन्चार्ज एवम् राजपुर गा पा सेक्रेटरी
११) तिलक पुन -पूर्व जनमुक्ति सेना
१२) सुरज विक -दलित राष्ट्रिय मुक्ति मोर्चा जिल्ला अध्यक्ष
१३) हितप्रसाद रोका -पार्टी सदस्य
१४) पोष्टमान घर्ती -रोल्पा जिल्ला र
दलबहादुर खत्री, अमित घर्तिमगर, बालकृष्ण शर्मा, जीत क्षेत्री, रमेश आचार्य र कुलबहादुर वली, बिष्णु थापा पक्राउ परेको प्रहरीले जानकारी दिएको छ ।
Discussion about this post