बाँके कार्तिक ४ गते । खजुरा गाउँपालिका, बाँकेको आयोजनामा यही कात्तिक ६ र ७ गते बृहत खजुरा सम्मेलनको आयोजना गरिने भएको छ ।
ज्ञानोदय नमूना मावि खजुरागाउपालिका मा हुने सम्मेलनको तयारी अन्तिम चरणमा पुगेको छ। सम्मेलनलाई भब्य र शब्यरुपमा सम्पन्न गर्न खजुरा गाउँपालिकाका शिक्षा विज्ञ भक्तबहादुर केसीको संयोजकत्वमा वहृत खजुरा विकास सम्मेलन व्यवस्थापन समिति निर्माण गरिएको छ । उक्त व्यवस्थापन समितिले सम्मेलनका विभिन्न तयारीलाई तीव्र रुपमा अगाडि बढाएको छ । विहान ठीक ११ बजे उद्घाटन समारोह शुरु हुने र प्रदेश नं. ५ का मूख्यमन्त्री शंकर पोख्रेलले सम्मेलनको उद्घाटन गर्ने कार्यक्रम तय भएको छ ।
खजुरा समृद्धिका आधार, अवसर र सम्भाव्यतालाई पहिल्याउँदै खजुरा गाउँपालिकाको नीतिगत प्राथमिकता तय गर्न सहज वातावरण बनाउन, सहभागितामुलक, लोकतान्त्रिक तथा समावेशी आर्थिक विकास गर्न, खजुरा गाउँपालिकाको योजना निर्माणका लागि मार्गरेखा तय गर्न, दीगो र समतामुलक विकासको आयम र प्रवद्र्धनका अभ्यास यसको प्रभावबारे सिकाई आदानप्रदान गर्न र खजुरा क्षेत्रका विषय विज्ञ, प्राज्ञिक सामाजिक तथा आर्थिक विकासमा अभ्यासरत व्यक्तित्वहरुबाट पृष्ठपोषण ग्रहण गर्ने उद्देश्यले सम्मेलनको आयोजना गरिएको हो । २ दिनसम्म संचालन हुने सम्मेलनमा खजुरा क्षेत्रका तथा खजुरामा स्थायी बसोबास रही कामको शिलशिलामा बाहिर रहेका २५० जना बढी महानुभावहरुको सहभागिता रहने जनाएको ।
सम्मेलनमा विषय विज्ञहरुले तयार पारेको आर्थिक विकास, विकासमा जनसहभागिता, योजनावद्ध खजुरा शहर, लैंगिक र महिला सशक्तिकरणमा खजुरा, खजुरामा कृषि समृद्ध खजुराको आधार, गुणस्तरीय र प्राविधिक शिक्षाको मार्गरेखा, गुणस्तरीय स्वास्थ्य सेवा र खजुरा, समावेशी खजुरा, खेलकुद र सिर्जनशील खजुरा विषयमा कार्यपत्र प्रस्तुत र त्यसमाथि टिप्पणी हुनेछ । त्यस्तै हरेक कार्यपत्रको अध्यक्षता छुटाछुटै हुने, कार्यपत्रमाथि विशेष छलफलसहित कार्यपत्र पारित गरिने छ ।
खजुरामा पहिलो पटक हुन लागेको सम्मेलनमा खजुरा गाउँपालिकाका जनप्रतिनिधि, खजुरा क्षेत्रबाट संघीय तथा प्रदेशमा प्रतिनिधित्व गर्ने सदस्य, विषय विज्ञ, प्राज्ञ तथा विभिन्न पेशामा लागेका पेशाकर्मीहरुको समेत सहभागिता हुनेछ । विकासमा सबै खजुरेलीको साझेदारीे बनाउने प्रक्रियालाई अगाडि बढाउन मद्दत पुग्ने विश्वास लिइएको खजुरा सम्मेलनले नीतिगत रुपमा पनि ठूलो टेवा पुर्याउनुका साथै समृद्ध खजुराको सपना पूरा गर्न कोशेढुंगा सावित हुने विश्वास लिएको छ ।
सो कुराको जानकारी खजुरा गाउँपालिका का अध्यक्ष किस्मत कुमार कक्षपतिले पत्रकार समेलन गरी जानकारी दिएका छन् ।
Discussion about this post