दत्त चित्त भएर काम गर्न मुख्य मन्त्रि शंकर पोखरेलको अनुरोध ।
बाँके कार्तिक ५ गते । बाँकेमा रहेका नेकपाबाट निर्वार्चित जनप्रतिनिधि मेयर,वडाअध्यक्ष,सदस्य तथा अन्य नेता तथा कार्यकर्तालाई लाई एक दिने स्थानीय तह सञ्चालन तथा ब्यबस्थापन सम्बन्धी प्रशिक्षण कार्यक्रम सम्पन्न भएको छ ।
जिल्ला समन्वय समिति बाँके को सभाहलमा सन्चालित प्रशिक्षण दिन पाँच नंबर प्रदेशका मुख्यमन्त्री शंकर पोखरेल बाँकेमा आएका थिए ।
नेकपा पार्टी जिल्ला संगठन कमिटीको आयोजनामा जनप्रतिनिधिलाई एक दिने प्रशिक्षण दिनका लागि मुख्य मन्त्रि नेपालगंञ्ज आईपुगेका हुन।
बाँके जिल्लामा नेकपाबाट निर्वाचित जनप्रतिनिधि पालिकाका मेयर र अध्यक्षदेखि वडा सदस्यसम्मलाई स्थानीय तह संचालन, व्यवस्थापन र जनपक्षिय काम गर्नका लागि अझ दत्तचित्त भएर लाग्न निर्देशन दिदै मुख्यमन्त्री पोखरेलले हालै सवोच्च अदालतले दिएको जनप्रतिनिधिको पारिश्रमिकको विषयमा दिएको फैसलामा भावनामा नबग्न आग्रह गरे ।
नेकपा प्रदेश नं. ५ का इन्चार्ज समेतको जिम्मेवारी समालेका मुख्यमन्त्री पोखरेल स्थानीय तह र प्रदेश सरकार, नीति कार्यक्रम र बजेट कार्यान्वयनका साथै कसरी स्थानीय संचालन गर्न सकिन्छ भन्ने विषयमा प्रशिक्षण दिएका थिए ।
नेकपा बाँकेका अध्यक्ष तथा प्रदेश सांसद आईपी खरेलको अध्यक्षतामा सम्पन्न सो प्रशिक्षणमा करिब ३ सय जना जनप्रतिनिधि र पार्टी नेताको सहभागिता रहेको नेकपा बाँकेका सचिव अशोक कोईरालाले जानकारी दिए ।
बाँकेका ८ वटा पालिका मध्ये नेकपाले ४ वटा पालिकामा नेतृत्व सहित जनप्रतिनिधिहरु निर्वाचित भएका छन् ।
Discussion about this post