बाँके मंसिर १२ गते ।
नेपालगन्ज उपमहानगरपालिका १० गणेशमान चोक नजिकैबाट सोमवार भारतबाट भन्सार छली ल्याइएको इलेक्ट्रिक स्कुटर र मोवाइल चार्जर गरी करिव ८० हजार मूल्य बराबरको सामान नेपाल प्रहरीले बरामद गर्यो ।
त्यसको अघिल्लो दिन शनिवार पनि भारतबाट भन्सार छली भित्र्याइएको अन्दाजी ४५ हजार मूल्य बराबरको कपडा, अटैची र चिनी जिल्ला प्रहरी कार्यालय बाँकेले नेपालगन्जबाट बरामद गर्यो ।
भन्सार छली भारतबाट अवैध सामान नेपालगन्ज पुर्याइएपछि प्रहरीले बरामद गरेका यी त पछिल्ला प्रतिनिधिमूलक उदाहरण मात्रै हुन् । नेपालगन्जको प्रमुख भन्सार नाकामा सशस्त्र प्रहरी र नेपाल प्रहरीका करिव आधादर्जन चेक पोष्ट छन् । खासगरी सीमा सुरक्षार्थ, सीमाबाट अवैध रुपमा हुने तस्करी तथा अवैध ओसारपसार नियन्त्रणको जिम्मेवारी सशस्त्र प्रहरीलाई छ । सशस्त्रको आफ्नै युनिट पनि छ ।
विओपी पोष्ट स्थापना गरेर सशस्त्र प्रहरीले चोरी तस्करी नियन्त्रणको काम गर्दै आएको दावी गर्छ । तर सशस्त्र प्रहरीले दावी गरेको जस्तो व्यवहारिकरुपमा देखिदैन् । भारतबाट भन्सार छलीका अवैध सामानहरु नेपालगन्जमा नेपाल प्रहरीले धमाधम पक्राउ गरिरहेको छ । जस्का कारण सीमामा खटिएको सशस्त्र प्रहरी बेकामे देखिएको छ ।
मुख्य नाकामा चेकजाँच कडा गरेको जस्तो देखाउने तर अन्य सहायक नाकाबाट सशस्त्र प्रहरीकै सेटिङमा अवैध सामानहरु नेपाल भित्रिरहेको स्थानीय बताउँछन् । सर्वसाधरण नागरिकलाई नाकामा चेकजाँच गरेर दुख दिने सशस्त्र प्रहरीले अवैध तस्करी नियन्त्रण गर्न भने सकेको छैन । सशस्त्रले सेटिङमा भित्र्याइएका अवैध सामान नेपाल प्रहरीले नगरका विभिन्न स्थानबाट बरामद गर्ने गरेको छ ।
सशस्त्र प्रहरीका घुमुवा असइ सोमराज शर्माले तस्करसँगको सेटिङमा अवैध धन्दालाई प्रोत्साहान दिने गरेको सशस्त्रकै कर्मचारीहरु बताउँछन् । मुख्य नाकामा सर्वसाधरणलाई अनावश्यक भीड लगाएर सशस्त्र प्रहरीले ताण्डव देखाउने गरेको छ । दैनिक उपभोग्य सामान ल्याउने विपन्न तथा गरीव नागरिकलाई सामान खोस्ने सशस्त्र प्रहरीले ठूला तस्करसँग भने महिनावारी लिएर आफ्नै स्कटिङमा अवैध सामान भित्र्याउने गरेको स्थानीय बताउँछन् ।
Discussion about this post