गुल्मीमा जीप दुर्घटना हुँदा एकको मृत्यु दुई जना घाइते

गुल्मी कात्तिक ६ गते । कालीगण्डकी गाउँपालिका ३ जयखानीमा मंगलबार राति जिप दुर्घटना हुँदा एक जनाको मृत्यु भएको छ ।
मुलक बाट कनौटा हुदै जयखानी जादै गरेको जीपको उकालोमा ब्रेक फेल भई लु १ च ४५५८ नम्वरको जिप सडकको कुनामा पल्टिँदा सोही वडाका ४८ बर्षीय झुमबहादुर बिकको पाल्पा मिशन अस्पतालमा उपचारका क्रममा मृत्यु भएको हो ।
जीपमा चालक सहित चार जना सवार थिए ।
बिकको मृत्यु भएको पुष्टि गर्दै जिल्ला प्रहरी प्रमुख एसपी राजेन्द्र सिंह खड्काले अर्का एक जना सामान्य घाईते भएको जानकारी दिए ।
जिप चालकलाई पुर्तिघाट प्रहरी चौकीले नियन्त्रणमा लिईएको र घटनाको थप विवरण आउन बाँकी रहेको जानकारी दिएका छन् ।

ADVERTISEMENT