बाँके पुस १४ गते ।
नसर्ने रोगका विरामी पहिचान गर्न बाँकेको जानकी गाउँपालिकामा पनि स्क्रिनिङ शिविर गरिएको छ । स्वास्थ्य कार्यालय बाँकेको आयोजना तथा पालिकाको व्यवस्थापनमा जानकी गाउँपालिका, वडा नंं ३ इन्द्रपुर स्वास्थ्य चौकीको पुरानो भबनमा स्क्रिनिङ शिविर गरिएको हो ।
४० बर्ष माथिका नागरिकहरुमा नसर्ने रोग (सुगर, प्रेसर , मिर्गौला रोग) का नयाँ बिरामी पहिचान गर्न शिविर गरिएको स्वास्थ्य कार्यालयका सूचना अधिकारी नरेश श्रेष्ठले जानकारी दिए । उक्त शिविरमा १९३ जनाले सेवा लिएका थिए । त्यसमा सामान्य भन्दा बढी तौल (महिला ६५ केजी र पुरुष ७५ केजी भन्दा बढी) भएका ४९ जनामा देखिएको पाइएको छ ।
६० जनामा सामान्य भन्दा बढी रक्तचाप, ९७ जनामा रगतमा चिनिको मात्रा सामान्य भन्दा बढी, २६ जनामा पिसाबमा चिनीको मात्रा बढी भएको पाइएको पनि श्रेष्ठले बताए । त्यसैगरी २६ जनामा पिसाबमा एल्बुमिन देखा परेको छ भने २६ जनामै पिसाबमा पि.एच. असामान्य देखिएको पाइएको पनि श्रेष्ठले बताए ।
१८३ जनालाई थप जाँच तथा उपचारको लागि अस्पताल प्रेषण गरिएको छ । यसअघि यस्तै शिविर राप्तीसोनारी गाउँपालिकाका दुई स्थानमा गरिएका थिए ।
Discussion about this post