बाँके बैशाख ४ गते ।
पर्सा घटनालाई लिएर बाँकेका मुस्लिम संघसंस्थाले प्रधानमन्त्रीको ध्यानाकर्षण गराएका छन् । गएको २९ गते नेपाली मुस्लिम अफ्नो पर्व इदुल फित्रको खुसी मनाइ रहेको बेला विरगन्ज, पर्सा जिल्लाका न्यायाधीश कमल नारायण दासले मुस्लिम समुदायको धार्मिक आस्थामा चोट पुर्याउनेगरि इस्लाम धर्मका पैगम्बर, शान्ती दुत हजरत मुहम्मद स. माथीसमाजिक संजालमा काट्न सहित अभ्द्र र कपोकल्पित लान्छना लगाएकोमा गम्भीर ध्यानाकर्षण भएको भन्दै उनीहरुले बाँके सिडिओ कार्यालयमाफर्त प्रधानमन्त्रीलाई ज्ञापनपत्र पठाएका छन् । उनीहरुले दासको अभिव्यक्तिले मुस्लिम समुदायलाई मर्महित तुल्याएको उल्लेख गरेका छन् ।
मुस्लिम समाज बाँकेका अध्यक्ष अब्दुल हकिम हल्वाई, फैजुन्न्वी जामा मस्जिद तथा इदगाह सन्चालक समितीका महासचिव इरफान सिद्दिकी, केन्द्रिय मोहरम पर्व तथा कर्बला व्यवस्थापन समिती बाँकेका अध्यक्ष अध्यक्ष गुलाम हुसेन हल्वाइले प्रधानमन्त्रीलाई ज्ञापनपत्र पठाएका छन् ।
ज्ञापनपत्रमा लेखिएको छ –‘उल्लेखित वाक्यांशबाट नेपालमा वस्ने सम्पुर्ण नेपाली मुस्लमान तथा कुनै पनि धर्मलाई सम्मान गर्ने स्वतन्त्र व्यक्तिहरु धेरै दुखित भएका छौ। समाजिक संजालमा उक्त समाचार निकाल्ने नि वर्तमान सर्वोच्चको न्यायाधीश कमल नारायण दासको मनघणत लेखौट बाट वर्तमान संविधानको भाग ३ मा उल्लेखित मौलिक हक र कर्तव्यको उल्लघन भएको छ। प्रत्येक नेपालीले वर्तमान संविधानलाई हृदयले मानेको अवस्थामा कमल नारायण दासले सविधानको खिलाफ जानु भएको छ।
निजको समाचारबाट वर्तमान नेपाली समाजमा कलह र अशान्तिको वातावरण सृजना गरी दिएको छ उक्त समाचारवाट कुनै पनि समयमा शान्तिपुर्वक वसेको नेपाली मुस्लमानमा आवेशको लहर उत्पन्न हुन सक्छ।’ उनीहरुले छानविनको समेत माग गरेका छन् ।
अगाडि भनिएको छ–‘वर्तमान गृहमन्त्री ज्यूलाई हामी नेपाली मुस्लमानको दुखमा सहभागी भई अविलम्ब यहि छानविन गर्नुको साथै हाम्रा इंश्वरिय दुत पैगम्बर मुहमद सको चरित्र हत्या गर्ने व्यक्ति उपर आवश्यक कार्यवाहीको निर्देशन सम्बन्धित निकायमा दिनुका साथै हामी नेपाली मुस्लिमहरुको सवैधानिक जिउ ज्यान तथा हाम्रा मस्जिद, मदर्सा धार्मिक स्थलको सुरक्षाको साथै शान्ती पुवर्क बाच्न र आफ्ना आस्था अनुसार कार्य गर्न पाउने व्यवस्था समेतको सम्बन्धित निकायमा आदेश निदेश हुने सम्मानित प्रधानमन्त्री ज्यू समक्ष यो ज्ञापन पत्र पेश गरेका छौ ।’
Discussion about this post