बाँके बैशाख ८ गते ।
हिंजोआज दैनिक जस्तो भन्सार छलिका अवैध सामान नेपाल प्रहरीले बरामद गर्दै आएको छ । सीमानाबाट हुने अवैध चोरी पैठारी नियन्त्रण गर्न मुख्य जिम्मेवारी पाएको सशस्त्र प्रहरी असुली धन्दामा लाग्दा नाकाबाट अवैध सामान भित्रिने क्रम बढेको छ ।
सशस्त्र प्रहरीले सेटिंगमा भित्र्याउने अवैध सामान नेपाल प्रहरीले बरामद गर्न थालेपछि सशस्त्र प्रहरीको निदहराम भइरहेको छ । विभिन्न नाकामा खटिएका सशस्त्र प्रहरी र विओपी पोष्ट समेत लाइन लिएर तस्करसँग मिल्ने गरेका तथ्यहरु आइरहेका छन् । पछिल्लो पटक सशस्त्र प्रहरीकै अगाडिबाट तस्करले भित्र्याएका अवैध सामान नेपाल प्रहरीले बरामद गरेको छ ।
नेपालगञ्ज उपमहानगरपालिका १७ चौलिका स्थित जिल्ला प्रहरी कार्यालय बाँकेबाट खटिएको प्रहरी टोलीले चेकजाँच गर्नेक्रममा ५७ हजार बढीको ७४४ जोर चप्पल बरामद गर्न सफल भएको छ । बरामद गरिएको चप्पल र मानिस थप कारवाहीका लागि नेपालगन्ज भन्सार कार्यालयमा बुझाइएको प्रहरीले जनाएको छ ।
Discussion about this post