बर्दिया साउन १२ गते ।
बर्दियाको गुलरिया नगरपालिका वडा नं. ६ स्थित सामुदायिक सेवा केन्द्रको एम्बुलेन्स सेवा केन्द्रमा नरहेको पाईएको छ । सामुदायिक सेवा केन्द्रका तत्कालिन अध्यक्ष कमलराज पौडेल (देवकमल) को कार्यकालमा भारतीय राजदुतावासको सहयोगमा ल्याईएको एम्बुलेन्स विगत केहि बर्षदेखि सेवा केन्द्रमा नरहेको पाइएको हो ।
तत्कालिन अध्यक्ष पौडेलले २०६३ सालमा भारतको स्वतन्त्रता दिवसको अवसर पारेर भारतीय राजदुतावासले दिएको एम्बुलेन्स आफ्नो कार्यकालपछि नदेखेको भन्दै आफुले एम्बुलेन्सको खोजि गरिरहेको पैरवीलाई बताए । उनले भने,–‘यदि एम्बुलेन्स गैर कानुनी तरिकाले बेचविखन वा लिजमा कसैले दिएको छ भने उनीहरुलाई कानुनी दायरामा ल्याउनुपर्छ, यो गलत कार्य हो ।’ पूर्व अध्यक्ष पौडेलले भने, –‘त्यो एम्बुलेन्स काहाँ गयो ? बेचविखन भयो कि, कुनै सम्झौता गरि कसैले लिजमा लग्यो की ? यो विषयमा अनुसन्धान गर्न जरुरी छ । एम्बुलेन्सको एक–एक हिसाब सेवा केन्द्रले गुलरियावासीलाई देखाउनु पर्छ ।
यस विषयमा मैले जिल्ला प्रहरी कार्यालय बर्दियाका प्रहरी उपरिक्षक प्रविण धितालसँग बृहत छलफल गरेको छु । उनले मलाई यस विषयमा गहन अनुसन्धान गरि सत्य तथ्य बाहिर ल्याउने आश्वसन समेत दिएको बताए । सेवा केन्द्रका अध्यक्ष उमेश मलिकले एम्बुलेन्सको विषयमा आफुलाई केहि थाहा नभएको बताए । उनले भने, अमर बहादुर खड्का अध्यक्ष हुँदा एम्बुलेन्स नेपालगञ्ज स्थित कुनै फामेर्सीमा दिएको कुरा सुनेको थिए ।
हालसम्म कुनै किसिमको आम्दानी हिसाव देखिएको छैन् । एम्बुलेन्स दिदाको बखतमा कुनै सम्झौता भए÷नभएको मलाई थाहा छैन् । उक्त केन्द्रमा विगत तिन वर्ष देखि कार्यरत जिल्ला प्रहरी कार्यालय बर्दियाका प्रहरी हवल्दार मिना थापाले आफु आएदेखि एम्बुलेन्स नदेखेको र एम्बुलेन्सको कुनै आयस्रोत नरहेको बताए । उनले विगत सात बर्ष देखि संस्था नवीकरण समेत नभएको जानकारी गराए । समाजसेवाको उद्देश्यले स्थापना भएको संस्थामा अनियमित भएपछि त्यसबारे सबैको ध्यान र चासो बनाउनुपर्ने स्थानीयले बताएका छन् ।
Discussion about this post