बाँके साउन १८ गते ।
नेपालगन्ज उपमहानगरपालिका ४ सल्यानी बंगला क्षेत्रमा संचालित मासु पसललाई ब्यवस्थित गर्न ४ नं. वडा कार्यालयले अभियान थालेको छ । पहिलो चरणमा मासु पसलको अनुगमन गरेको वडा कार्यालयले ब्यवस्थित गर्न सचेत गराएको वडा अध्यक्ष गोपाल पुनले जानकारी दिए ।
‘मासु पसलेले आफूले उत्पादन गरेको फोहर सिधै नालामा फाल्ने र यसले टोलमा दुर्गन्ध फैलाएको गुनासो आएपछि वडा कार्यालयले मासु पसलेलाई सचेत गराउनुका साथै ढल सफाईको अभियान थालेको छ,’ उनले भने ।
मासु पसलेले पशु बध गरि त्यसबाट निस्कने फोहर सिधै नालामा खसालेका कारण ढल जाम भएपछि ढल सफाई गरिएको उनले बताए । उनले मासु पसलेले आफ्नो पसललाई ब्यवस्थित नबनाए कानुन बमोजिम कारवाही गरिने स्पष्ट पारे ।
‘पहिलो चरणमा हामीले मासु पसलेलाई सचेत गराएका छौँ । अव पनि नसुध्रिए कारवाही प्रक्रिया अगाडी बढाउँछौँ,’ उनले भने ।
४ नंं. वडा कार्यालयले डोजरमार्फत जाम भएको नाला सफाई गरेको हो ।
Discussion about this post