बाँके साउन २२ गते ।
सशस्त्र प्रहरीले एक हजार दुई सय लिटर भारतीय दूध नष्ट गरेको छ। नेपालगन्ज र खडैचा नाकाबाट भित्रिएको दूध सशस्त्र प्रहरीले नियन्त्रणमा लिएर नष्ट गरेको हो।
सशस्त्र प्रहरीका एसपी बिमल डाँगीका अनुसार, शुक्रबारयता नेपालगन्ज नाकाबाट साढे सात सय लिटर र खडैचा नाकाबाट साढे चार सय लिटर दूध नियन्त्रणमा लिएर नष्ट गरिएको छ । सशस्त्र प्रहरीले नेपालगन्ज नाकाबाट भित्रिएको दूध समातेर क्वारेन्टाइनमा प्रक्रियामा मिलाएर नष्ट गरिरहदा भारतीय प्रहरीले नेपाल प्रहरीसँग गरीवको दूध भएकाले छोडिदिन आग्रह गरिरहेको थियो।
उताका गरीवलाई हेर्दा यताका गरीवले दुःख पाउने भएकाले छोड्न नसकिने कुरा गरिएको थियो । नेपाल सरकारले भारतबाट दूध तथा दुग्धजन्य पदार्थ ल्याउन प्रतिबन्ध लगाएको छ। सरकारले प्रतिबन्ध लगाएपनि भारतीय दूध दैनिक भित्रिरहेको व्यवसायीको गुनासो छ। बाँके दुग्ध व्यवसायी संघका कार्यवाहक सचिव चेतनारायण शर्माले भारतीय दूध भित्रिरहदा यहाँका किसान मारमा परेको बताए ।
भारतीय दूध मुख्य नाकाबाटै भित्रिने गर्दछ। साइकलमा क्यान राखेर दूध ल्याउने गरिन्छ। सुरक्षा निकाय, भन्सार, क्वारेन्टाइन मुख्य नाकामै निगरानी गरिदिदा भारतीय दूध रोकिने व्यवसायीको भनाइ छ ।
Discussion about this post