बाँके भदौ ७ गते ।
जनता समाजवादी पार्टी (जसपा) का महासचिब मोहम्मद इस्तियाक राईले उपेन्द्र यादवले पार्टीमा उपद्र मच्चाएपछि अलग पार्टी गठन गर्न बाध्य भएको बताएका छन् । जसपा बाँकेको कार्यकर्ता भेला, अधिबेसन र तीजको दर खाने कार्यक्रमलाई सम्बोधन गर्दै महासचिब राईले उपेन्द्रले मधेस आन्दोलन र मधेस बिद्रोहको मर्म बिपरित गएको बताउँदै मधेसीको हक, अधिकार रक्षाका लागि जसपा गठन भएको बताए ।
उनले उपेन्द्रलाई तानाशाहको सङज्ञा दिए । ’उपेन्द्र अर्को नेता र कार्यकर्ताको उन्नति, प्रगति नचाहने व्यक्ति हो । उनले बाबुराम भट्टराई, महन्थ ठाकुर, राजेन्द्र महतो, हृदेस त्रिपाठी, अशोक राई लगायत नेतालाई लात हानेर भगाए’ उनले भने ।
उनले आफुलाई पराजित गराउन उपेन्द्रले मत्वपूर्ण भूमिका खेलेको बताए । मलाई पराजित गराउन बाँकेमा गठ्बन्धन गर्न दिइएन । यो गरियो नै आफु निकटका नेता, कार्यकर्तालाई मेरो बिरुद्धमा परिचालन समेत गरियो,’ उनले भने, मलाई कुनै जानकारी नदिई सचिबबाट हटाउने काम भयो । यस्ता अत्याचार मैले कति सहें त्यो त मलाई मात्र थाहा छ ।
उनले पार्टीलाई बलियो बनाउन र मिसन २०८४ अभियान चलाउन नेता, कार्यकर्तालाई निर्देशन दिए । आगामी निर्वाचनमा हार्ने छुट हामीलाई छैन । तपाईहरु अहिलेदेखि निर्वाचन लक्षित अभियानमा लाग्नुस,’ महासचिब राईले भने ।
उनले मधेस र मधेसीको हक, अधिकारका लागि मधेसी दलमा आबद्ध भएको दुई दशक पुरा भएकोले अन्य पार्टीमा जाने कल्पना समेत नगरेको स्पष्ट पारे । म पहिले राप्रपामा थिए, मधेसी दलमा आबद्ध भएको दुई दशक पुरा भैसक्यो। एमालेमा जाने हल्ला मात्र हो। हल्लाको पछि नलाग्न आग्रह गर्दछु, उनले भने।
Discussion about this post