छोरो हराएदेखि ओभाएका छैनन् सकिलाका आँखा

बर्दिया मंसिर २२ गते ।
सन्तान हराउँदा आमालाई जत्तिको पीडा अरुलाई हुन सक्दैन । खुकुरीको चोट अचानोलेमात्र महशुस गर्न सक्छ । हो त्यस्तै भएको छ बर्दिया बाँसगढी नगरपालिका ९ कुनैठीकी सकिला कुमाललाई पनि पर्नु पिर परेको छ ।

१५ वर्षिय छोरो अमित १३ दिनअघि बेपत्ता भएपछि उहाँलाई दिनमा भोक र रातमा निद्रा परेको छैन । उहाँ घरिघरि भक्कानिनु हुन्छ । छोरा हराएदेखि उहाँको आखा ओभाएको छैन । खाना खानेबेला छोराको यादले थालीमा पस्केको खाना नखाएर छाडिदिनु हुन्छ । यो जाडोमा कहाँ सुत्छ होला ? के खान्छ होला भन्दै उहाँ कुराकानी गर्दागर्दै भक्कानिनु भयो ।

मंसिर ७ गते अमित घरमै थिए । आमासँग रिसाउँदै उनी गाउँतिर लागे । गाउँमा नाचगान चलिरहेको थियो । छोरा गाउँमा होला भन्ने विश्वासले सकिला ढुक्क हुनुहुन्थ्यो । तर अमित अवेर रातसम्म घरमा आएनन् । छोरालाई घरमा नदेखेपछि उहाँको मनमा चिसो पस्यो । हतार हतार खोजीका लागि नाचगान भइरहेको ठाउँमा गइन् । छोराको बारेमा सोधीखोजी गरिन् ।

तर, छोरालाई कतै फेला पार्न सकिनन् । कतैबाट फोन आउने वित्तिकै छोरा फेला परेको खवर आएको भन्दै हतार हतार फोन उठाउँछिन् । तर, छोराको खवरका लागि नभएपछि फेरि निराश हुन्छिन् । उनले छोरा अमितलाई खोजी गरिदिन हारगुर मात्र गरेकी छैनिन् छोरालाई घर फर्किन अनुनय विनय समेत गरेकिछन् ।