धनगढी फागुन १२ गते ।
राष्ट्रिय प्रजातन्त्र पार्टीका महामन्त्री तथा आन्दोलन परिचालन समितिका संयोजक डा धवल शमशेर राणाले राजंसस्था, सनातन हिन्दु अधिराज्य पुनःस्थापना गर्ने लक्ष्य लिएर धनगढीमा आयोजित बृहद् मोटरसाइकल ¥यालीमा सहभागी हुन आम नेपालीलाई आह्वान गरेका छन्।
‘राजसंस्था, सनातन सापेक्ष हिन्दु अधिराज्य पुनःस्थापना, प्रदेश खारेजी, भ्रष्टाचार अन्त्य गर्ने लक्ष्यसहित यही फागुन १३ गते, धनगढीको अतरियाबाट दिनको १२ बजे बृहत मोटरसाइकल ¥याली आरम्भ हुँदै छ।,’ राप्रपा आन्दोलन परिचालन समितिका संयोजक राणाले आइतबार एक सन्देश सार्वजनिक गर्दै भने।
‘यस अवसरमा एकजुट भएर अघि बढ्न, मोटरसाइकल ¥यालीमा सहभागी हुन आम नेपाली दिदीबहिनी दाजुभाइ, समान विचारधारा भएका दल, समूह, अभियान, व्यक्ति, संस्थालाई अनुरोधका साथ आह्वान गर्दछु,’ राप्रपा नेता राणाले भने। राष्ट्रिय झण्डामा आयोजना हुने बाइक ¥यालीमा राजसंस्था पक्षधर समूह दल, धार्मिक संघ संस्था, प्रदेश तथा भ्रष्टाचारविरोधी राष्ट्रवादीहरुको सहभागिता रहने बताइएको छ।
राप्रपा कैलाली जिल्ला अध्यक्ष होमबहादुर गुरुङले बताएअनुसार, फागुन १३ गते मंगलबार धनगढीको अतरियास्थित दुर्गा लक्ष्मी उच्च माविको ठिक अगाडि भेला भएर मोटरसाइकल ¥याली आरम्भ हुनेछ । राप्रपाले चैतमा काठमाडौं केन्द्रित आन्दोलनको घोषणा गरेको छ ।
सोही निर्णायक आन्दोलनको तयारीको रूपमा सात प्रदेशका सात प्रमुख शहरहरुमा मोटरसाइकल ¥याली आयोजना गरिएको छ। यस क्रमको सुरुवात मंगलबार धनगढीबाट हुन लागेको राप्रपाले जनाएको छ ।
Discussion about this post