बाँके असार १२ गते ।
बाँकेको खजुरा गाउँपालिका न्यायिक समितिमा २५८ विवाद दर्ता भएको छ । आर्थिक वर्ष २०८१–०८२ मा गठित न्यायिक समितिमा दर्ता भएका मध्ये असहमती जनाएका ७ बाहेक प्रक्रियामा ५७ रहेकोमा १९४ विवाद सहमति भएका छन ।
न्यायिक समितिमा अरुलाई असर पर्ने गरी विरुवा लगाएको, आफ्नो घर वा बलेसिबाट अर्काको घर जग्गा वा सार्वजनिक बाटोमा पानी झारेको, सधियारको तर्फ भ्याल छोड्ने सम्बन्ध, सार्वजनिक रुपको बाटो, बस्तुभाव निकाल्ने निकाश, चौर, कुलोन हर, अन्तयष्टि स्थल, धार्मिक स्थल वा अन्य कुनै सार्वजनिक स्थलको प्रयोग गर्न नदिएको निवेदन आउने गरेको छ ।
न्यायिक समितिका संयोजक तथा खजुरा गाउँपालिकाका उपाध्यक्ष मन्जु मल्लले एकको हकको जग्गा अर्कोले च्यापी मिची जग्गाको विवाद, अरूको जग्गामा घर वा संरचना बनाएको ,पति पत्नी बीचको सम्बन्ध बिच्छेद, अर्काको बाली नोक्सानी, ज्याला मजदुरी नदिएको, जेष्ठ नागरिकको पालन पोषण तथा हेरचाह नगरेको, नाबालक छोरा छोरी वा पति पत्नीलाई इज्जद अनुसार खान लाउन शिक्षा दिक्षा नदिएको जस्ता विवादहरू आउने गरेको बताइन् ।
उनले भनिन्– ‘बार्षिक २५ लाख रुपैयाँ सम्मको विगो भएको घर, गाली बेइज्जती, पशुपन्छी पाल्दा लापरवाही गरी अरुलाई असर पारेको, अर्काको हक भोकमा रहेको जग्गा आबाद वा भोग चलन गरेको अंशसम्बन्धमा, ध्वनि प्रदूषण गरी फोहोर फ्याली छिमेकीलाई असर पारेको लगायत विवादहरू न्यायिक समितिमा आएको छ । खजुरा गाउँपालिकाको न्यायिक समितिले आर्थिक वर्ष २०८१÷८२ मा विनययोजित रकम २५ लाख ६० हजार मध्ये ७५% रकम खर्च भएको जनाएको छ ।
५ प्रतिशत रकम भने खर्च हुन बाँकी देखिएको छ । न्यायिक समितिले वर्षभरिमा सरकारवालाहरूसँग अन्तरक्रिया कार्यक्रम, न्यायिक मामिला व्यवस्थापन प्रणाली सफ्टवेयर कार्यक्रम लागू, सरोकारवालाहरु सँगको समीक्षा तथा उत्कृष्ट संयोजन तथा मेलमिलापकर्ताहरूको लागि पुरस्कृत कार्यक्रम, मेलमिलापकर्ताहरूको लागि सफ्टवेर तालिम तथा सिपमूलक कार्यक्रम, न्यायिक समितिका पदाधिकारी तथा संयोजकहरूका लागि ड्रेस खरिद गरेको छ ।
Discussion about this post