बाँके साउन २१ गते ।
बाढीबाट वस्ती जोगाउन राप्ती सोनारी गाउँपालिका–७ खल्ला झगडियास्थित राप्ती नदीमा आपतकालिन तटबन्ध निर्माणको काम अहिले पनि जारी छ । राप्ती नदिमा आएको बाढीले कटान गरि बस्तिमा पस्ने जोखिम बढेपछि जनताको तटबन्धको सहयोगमा बेम्बो पाइलिङको काम जारी राखिएको हो ।
नदिको बहाबलाई रोक्न बेम्बो पाइलिङको काम जारी राखेको जनताको तटबन्धले जनाएको छ । यस अघि आपतकालिन तटबन्ध गरिएको थियो ।
बाढीले उक्त अस्थायी तटबन्धमा क्षति पुर्याउने जोखिम बढेपछि नदिको धार रोक्न सिमेन्टको पाइलिङ गरिरहेको स्थानीय दुर्गाप्रसाद पाण्डेले बताए ।
उनका अनुसार नदिको बहाब तटबन्धमा सिधै पर्न नदिन सिमेन्टको पाइलिङ गर्ने काम भैरहेको छ ।
मंगलवार आएको बाढीले बेम्बो पाइलिङमा सामान्य क्षति पुगेपनि अस्थायी तटबन्ध सुरक्षित रहेको उनले बताए । ’बेम्बो पाइलिङले अस्थायी तटबन्धलाई सुरक्षित राख्न सहयोग गरेको छ,’ उनले भने ।
दुई वर्षअघि आएको बाढीले पक्की तटबन्ध भत्काएपछि बाढी बस्तिमा पस्ने खतरा बढेको थियो । उक्त ठाउँमा गत वर्ष पनि अस्थायी तटबन्ध निर्माण गरिएको थियो ।
भिडियो पनि हेर्नुहोस्
Discussion about this post