रोल्पा, जेठ २८ गते।
रोल्पामा आज बिहान मिनी ट्रक दुर्घटना हुँदा एक जनाको घटनास्थलमै मृत्यु भएको छ।
बल्ले खोलाबाट आलु लिएर पोखरातर्फ जाँदै गरेको रा. १ ख. ३०४५ नम्बरको मिनी ट्रक गुडिरहेको अवस्थामा अचानक सडक भाँसिएपछि दुर्घटनामा परेको हो। दुर्घटनामा सल्यानको बागचौर नगरपालिका–४, दुदिलाबोट निवासी ४७ वर्षीय चन्द्रबहादुर बस्नेतको घटनास्थलमै मृत्यु भएको जिल्ला प्रहरी कार्यालय रोल्पाका प्रहरी निरीक्षक सुनिल थापाले जानकारी दिए।
दुर्घटनामा ट्रक चालक घाइते भएका छन्। घाइते चालकको अवस्था र परिचयबारे थप विवरण आउन बाँकी रहेको प्रहरीले जनाएको छ।
माडी गाउँपालिका–१, पात्लेस्थित बल्ले–झिनुवाभित्री सडकखण्डमा भएको उक्त दुर्घटनामा ट्रक सडकबाट करिब ३० मिटर तल खसेको थियो। प्रहरीले घटनाबारे थप अनुसन्धान गरिरहेको छ।
ADVERTISEMENT
Discussion about this post