बाँके पुस २७ गते । श्री ५ महाराजधिराज पृथ्वी नारायण शाहको २९८ औं जन्म जयन्ती तथा एकता दिवसको अवसरमा बाँके जिल्लाको नेपालगन्जमा आइतबार मोटरसाइकल र्याली निकालिएको छ ।
नेपालगन्जको बागेश्वरी मन्दिर अगाडीबाट र्याली शुरु भएको सेतु बिक चोक, धम्बोझी चोक हुँदै बिपि चोक, गणेशमान चोक, चारबाहिनी रोड हुँदै त्रिभुवन चोकमा पुगेर र्यालीको कोणसभामा परिणत भएको थियो ।
कोणसभालाई नेपालगन्ज उपमहानगरपालिकाका मेयर तथा राप्रपाका केन्द्रिय महामन्त्री डा. धवल शमशेर राणाले राष्ट्र निर्माता पृथ्वी नारायण शाहको योगदानलाई चर्चा गर्दै हरेक नेपाललीले वास्तवमा पृथ्वी जयन्ती मनाउनु पर्ने कुरामा जोड दिनुभयो । उहाँले राष्ट्र निर्माता पृथ्वी नारायण शाहको हाम्रो जीवन र नेपालमा रहेको महत्त्व, र उहाँ ले देश प्रती गरेको योगदानको बारेका चर्चा गर्नुभएको छ ।
राप्रपाका केन्द्रिय सदस्य ऋषिराज देवकोटाले पृथ्वी नारायण शाहले नेपाल एकीकरण नगरेको भए आज हामी नेपाली भन्न पाउने थिएनौं भन्दै पृथ्वी नारायण शाहको जन्म जयन्ती सबै नेपाललीले मनाउनु पर्ने कुरामा जोड दिनुभयो । उहाँले भन्नुभयो, ‘पृथ्वी नारायण शाहको एकीकरण अभियानले आज नेपाल संसारको ९३औं ठूलो राष्ट्रका वीर नागरिक हुने थिएनौं । पृथ्वी नारायण शाहले गोर्खाबाट शुरु गरेको एकीकरणले सिंगो नेपाल राष्ट्र जन्माएको हो । त्यसैले हरेक नेपाललीले पृथ्वी जयन्ती मनाउनु पर्ने र राष्ट्रले एक दिन बिदा दिनु पर्ने हो । भन्दै नेता देवकोटाले आफ्नो धारणा राख्नुभएको छ ।
राप्रपा बाँके जिल्ला अध्यक्ष नरेन्द्र पौडेल, नेपाालगन्ज वडा नम्बर ४ का अध्यक्ष मोहम्मद सफिक बेहना, राप्रपा युवा संगठनका बाँके अध्यक्ष हुकुम केसी लगायतले सो कोणसभाको सम्बोधन गर्नुभएको थियो ।
Discussion about this post