बाँके माघ २० गते । बाँकेका पेशागत संगठनका प्रतिनिधिले बाँके र बर्दियालाई कर्णाली प्रदेशमा मिसाउन सुझाव दिएका हुन ।
विगतदेखि नै बाँके र बर्दियाको लगेशी कर्णाली संग रहेको र ५ नम्बर प्रदेशको पुच्छरको शहर भएर बस्नु भन्दा कर्णाली प्रदेशमा गएर एक नम्बरको शहर हुन उपयुक्त हुने पेशागत संघ संगठनका प्रनिधिहरुले जोड दिएका छन् ।
बाँके र बर्दियाका स्थानीय तहमा छलफल गर्ने दुबैको फाईदाका बुँदाहरु राखेर पालिकाहरुमा ब्यानर राख्ने र हस्ताक्षर गराएर प्रधानमन्त्रीलाई बुझाउने समन्वय समितिले तयारी गरेको छ ।
नेपालगञ्जका मेयर डा. धवल शम्शेर राणाले बाँके र बर्दिया कर्णाली प्रदेशमा मिसाउने कुरा राजनितिक नभई समृद्धिको एजेण्डा भएको बताउनुभयो ।
बाँके र बर्दियालाई कर्णाली प्रदेशमा मिसाउने अभियानका लागि बनेको समन्वय समितिले गरेको छलफल कार्यक्रममा प्राध्यापक संघका अध्यक्ष लालमणि आचार्य, प्याब्सनका अध्यक्ष राजेन्द्र आचार्य, नेपाल शिक्षक संघका अध्यक्ष विरेन्द्र यादव, नेविसंघका अध्यक्ष पुर्णप्रसाद आचार्य लगायतले बाँके र बर्दिया कर्णाली प्रदेशमा जाँदा नै उपयुक्त हुने सुझाव दिएका छन ।
Discussion about this post