बाँके माघ २० गते । बाँके र बर्दियाका १६ वटा स्थानिय सरकारले सूचनामा आमनागरिकको पहुँच बढाउन प्रविधिको प्रयोगलाई जोड् दिएका छन ।
छिटो सेवा प्रवाह गर्न, सेवाग्राहीले चाहेको कुरा सहजै थाहा पाउन भन्नका लागी स्थानिय सरकारले विभिन्न प्रविधिको प्रयोग गर्न थालेका हुन । आजको युग सूचना, प्रविधिको युग हो, भन्दै सबै स्थानिय सरकारले कार्यालय छेउमा नागरिक साहयता कक्ष, नागरिक वडापत्र, डिजिटल सूचना पार्टी, बेव साइट, मोबाइल एप्स, बार्षिक बजेट तथा कार्यक्रम र नीति समेटिएको पुस्तक प्रकाशन, सामाजिक संञ्जाल फेसबुक, टुइटरको प्रयोग बढाएका हुन । बर्दियाको गुलरिया नगरपालिकाका नगर प्रमुख मुक्तिनाथ यादवले प्रविधिको प्रयोगलाई अझ ब्यवस्थित गर्दै लैजाने बताउनुभयो । कतिपय स्थानिय सरकारले सबैले देख्न सक्ने गरी सूचना अधिकारी, प्रवक्क्ता, प्रेस सल्लाहकार, गुनासो सुन्ने अधिकारी, जनप्रतिनिधिको सम्र्पक नम्बर, फोटो सहितका विवरण पनि राखेको देख्न सकिन्छ । नेपालगंज उपमहानगरपालिकाका सूचना अधिकारी शरद कुमार पौडेलले पत्रपत्रिका, रेडियो तथा टेलिभिजन र पत्रकार सम्मेलन मार्फत आम–नागरिक माझ विभिन्न किसिमका सूचना पुर्याई रहेको बताउनुभयो । नेपालको संविधान २०७२ जारी भएपछि महानगरपालिका, उपमहानगरपालिका, नगरपालिका, गाउँपालिका, वडालाई स्थानिय सरकारको रुपमा अधिकार प्रदान गरिएको छ ।
Discussion about this post