बाँके असार ७ गते ।
बर्षायाम सुरु भएसङ्गै बाँकेको राप्तीनदिमा आएको बाढिमा फसेका ११ जनाको सकुशल उद्दार गरिएको छ । शनिबार दिनभर देखि लगातार परेको बर्षाको कारण राप्तिसोनारी गाउँपालिकाको वडा नम्बर ३ र ४ को सिमामा पर्ने ललहीमा ६ जना र वडा नम्बर २ मा फसेका गरि ११ जनाको शनिबार राती सकुशल उद्दार गरिएको हो ।
सशस्त्र प्रहरी र रेडक्रसबाट तालिमप्राप्त स्वयंसेवकहरुले बाडिमा फसेकाहरुको उद्दार गरेका हुन । बाँकेका प्रमुख जिल्ला अधिकारी रामबहादुर कुरुम्बाङले नदिमा पानीको सतह खतराको संकेत भन्दा तल पुगेको जानकारी दिएका छन् । शनिबार नदिमा पानीको सतह ५.४ मिटर खतराको संकेत माथी पुगेपछी तटीय क्षेत्रमा सतर्कताका लागि साइरन बजाइएको जानकारी दिएका छन् ।
उनले अब बर्षायामको सुरु भएसङ्गै पानीको बहाव बढ्ने जुनसुकै बेला पनि बाढी र भेल आइरहने हुदा नदि बरिपरिका बासिन्दाहरुलाई सचेत रहन आग्रह समेत गरेका छन् ।
Discussion about this post