बाँके बैशाख २१ गते ।
नेपालगन्ज उपहानगरपालिकामा जसपाका तर्फबाट उपमेयर पदका उम्मेदवार कमरुद्दिन राईले चुनावी घरदैलोलाई तीब्रता दिएका छन् ।
नेपाली काँग्रेसको समेत समर्थनमा उपमेयर पदको उम्मेदवार बनेका राईले आज विहानै नेपालगन्ज उपमहानगरपालिका–१८ मा चुनावी घरदैलो गरेका छन् ।
उनीसँगै वडाअध्यक्ष पदका उम्मेदवारसहितका नेता कार्यकर्ताहरु पनि सहभागी थिए । उपमेयर पदका उम्मेदवार राईप्रतिको जनलहर बढ्दै गएको छ ।
उनले शिक्षा, स्वास्थ्य, खानेपानीलगायतका सवालमा प्रभावकारी काम गर्ने विश्वास दिलाउँदै आएका छन् । नेपालगन्ज कर्णाली र सुदूरपश्चिम प्रदेशकै पुराना सहर भएकाले यसको विकासका लागि योजनाबद्ध ढंगबाट अघि बढ्नु पर्ने उनको भनाइ छ ।
अघिल्लो स्थानीय तहको निर्वाचनमा मेयर पदमा पराजित भएपनि उनी निरन्तर जनताको सेवामा खटिररहेका छन् । उम्मेदवार भएपनि नभएपनि उनी जनताको सुखदुखमा जनताकै बीचमा रहने गरेका छन् ।
जस्का कारण नेपालगन्जबासीले राईलाई रुचाउने गरेका छन् । नागरिकको सेवामा अनवरतरुपमा खटिने व्यक्तिलाई नै चुनावमा जिताउनुपर्ने मतादाताहरुको भनाइ छ ।
Discussion about this post