बाँके कार्तिक २० गते ।
पुष्पलाल चौकदेखि सिधनियासम्मको हुलाकी सडक विस्तार योजना र जमुनाहादेखि राँझासम्मको अस्फाल्ट ओभरले योजनाको काम शुरु भएको छ।
बाँके क्षेत्र नम्बर २ का संघीय सांसद मोहम्मद इश्तियाक राईले उक्त कार्यका लागि दुई महिना अघिनै शिलान्यास गर्नु भएको थियो । आफुले शिलान्यास गरेका योजनाहरुलाई चुनाव अगावै सुरु गर्ने प्रतिबद्धता जनाएका उहाले प्रतिबद्धतालाई अथार्थमा परिणत गर्दै शिलान्यास मन्त्री भनेर आलोचना गर्नेलाई गतिलो झापट दिनु भएको छ ।
शिलान्यास गरिएका मध्ये पुष्पलाल चौकदेखि सिधनियासम्मको हुलाकी सडक विस्तार योजना र जमुनाहादेखि राँझासम्मको अस्फाल्ट ओभरले योजनाको काम शुरु भैसकेको छ हुलाकी सडक परियोजना बाँकेका प्रमुख सुमन योगेशले दिनुभएको जानकारी अनुसार पुष्पलाल चौकदेखि सिधनियासम्मको हुलाकी सडक विस्तार योजनाको काम शुरु भैसकेको छ ।ज्ञानेश निर्माण सेवाले ठेक्का पाएको सो योजनाको निर्माण कार्य शुरु गरिसकिएको जनाउँदै उहाले डुडुवा पुलको निर्माण केही दिनमै शुरु हुने र राप्ती पुल तथा अन्य विभिन्न पुलको ठेक्का सम्झौताको क्रममा रहेको बताउनुभयो ।
उहाँले टेण्डर भएका सबै योजनाको काम शुरु हुने कुरामा कुनै पनि आशंका नरहेको बताउनुभयो । सोही प्रकारले जमुनाहादेखि राँझासम्मको अस्फाल्ट ओभरले योजनाको काम पनि आइतवारबाट शुरु भएको सडक डिभिजन कार्यालय नेपालगञ्जले जनाएको छ ।सडक डिभिजन कार्यालय नेपालगञ्जका प्रमुख निरज शाक्यले दिनुभएको जानकारी अनुसार जमुनाहादेखि राँझासम्मको अस्फाल्ट ओभरलेको ठेक्का रौताहा खड्का जेभीले पाएको र काम पनि शुरु गरिसकेको छ ।
शिलान्यास गरेका योजनाहरुको काम शुरु भएपछि विरोध गर्नेहरुको बारेमा जनताले आफै सबै कुरा बुझ्ने पुर्वमन्त्री राईले बताउनुभयो । उहाँले आफुले यसअघि सहरी विकास मन्त्री होस वा संसदीय कोषको काम होस शिलान्यास गरेका सबै योजनाको काम पुरा भएको बताउनुभयो ।
राईले एकपछि अर्कोगरि युद्धस्तरमा आफ्नो क्षेत्रका लागि दर्जन बढी बिकासका योजनाहरु तयार पार्नुभयो । विभिन्न योजनाहरु तयार भै बजेट पारित भैसकेपछि मन्त्री बन्ने अवसर पाएपनि पुर्वमन्त्री राईले रातदिन नभनि निरन्तर खटिएर आफ्नो क्षेत्रका लागि के के र कसरी गर्न सकिन्छ भन्ने गहिरिएर अध्ययन गर्नुभयो भौतिक पुर्वाधार मन्त्रालयद्धारा तयार गरिएका विभिन्न योजनाहरुको सुक्ष्म तरिकाले अध्यन गर्दै बाँके क्षेत्र नम्बर २ का लागि के के गर्न सकिन्छ भन्ने छलफल मन्त्रालयका वरिष्ठ कर्मचारीहरुसंग चलाउनुभयो ।
जसको फलस्वरुप मन्त्रीले चलाउन सक्ने र स्थानान्तरण गर्न सक्ने विभिन्न बजेट बारे पत्ता लगाएर सो बजेटबाटै आफ्नो जिल्लाका लागि विभिन्न साना ठुला पुल, सडकहरु, रक्तसंचार भवन निर्माण, आकाशे पुल, स्ट्रीट लाइट र ट्राफिक लाइट जडान गर्ने जस्ता योजना तयार गरियो ।
अर्थ मन्त्रालयबाट बजेट स्विकृत गराएर धमाधम टेण्डर गरियो र शिलान्यास पनि गरियो । पुर्वमन्त्री राईले धमाधम एकपछि अर्को गरेर क्षेत्रका लागि योजना तयार पारेर शिलान्यास गर्न थालेपछि विपक्षिहरुमा खैलाबैला मच्चियो । यी योजनाले जनसमर्थन राईतर्फ जाने डरले विपक्षिहरुले शुरु गरे विभिन्न अनर्गल प्रचार । कसैले शिलान्यास मन्त्री भन्न थाले भने कसैले बजेट नै नभई योजना शिलान्यास गरिएको आरोप लगाए ।
तर, उनिहरुले के कुरा बुझ्न सकेनन् भने विना बजेट र विना योजना वा विना डिपीआर टेण्डर कसरी हुन्छ ? कसरी ठेक्का दिइन्छ भन्ने कुरा विपक्षीले थाहा नै नपाएजस्तो गरे ।पुर्वमन्त्री राईले शिलान्यास गरेका योजनाहरु मध्ये दुई वटा योजनाको निर्माण कार्य शुरु गरिएको छ भने केही योजना ठेक्का सम्झौता प्रक्रियामा रहेको र केहीको काम शुरु हुने तयारी भैरहेको सम्बन्धित सरकारी कार्यालयले जनाएका छन् ।
Discussion about this post