दार्चुला वैशाख १७ गते ।
दार्चुलाको व्यास गाउँपालिकामा मात्रै बसोबास रहेको व्यासी सौका समुदाय जिल्ला सदरमुकाम क्षेत्रमा गर्मी बढेपछि आइतवारदेखि कुञ्चा सर्ने तयारीमा रहेका छन् ।
दार्चुलाको व्यास गाउँपालिका वडा नम्बर १ मा बसोबास गर्ने व्यासी सौका समुदाय भारतको बाटो भएर कुञ्चा सर्ने तयारीमा रहेका व्यास गाउँपालिका वडा–२ का वडा अध्यक्ष धिरन सिंह बुढाथोकीले जानकारी दिनु भएको छ । आइतवार भोलि छाङरु र तिङ्करका गरी करिब ७० परिवार कुञ्चा सर्ने तयारीमा रहेका उहाँले बताउनु भयो ।
उनीहरु भोलि सदरमुकामबाट आफ्ना पशुचौपायासहित तिङ्कर जाने तयारीमा रहेका बताइएको छ ।भारतीय प्रशासनको अनुमति लिएर तिङ्करवासीले आइतवार कुञ्चा सर्ने तयारी गरेका हुन् । खलंगाबाट हिँडेर पहिलो दिनमा एलागाड, दोस्रो दिन पाङ्ला तेस्रो दिन बुदी चौथो दिन छाङरु तिङ्कर पुगिन्छ ।
व्यासी सौका समुदाय गएको मङ्सिरमा ढोकामा ताला लगाएर सदरमुकाम खलङ्गा झरेका थिए । तिङ्करवासीहरु गाउँ फर्किएपछि तरकारी लगायत बाली भित्र्याउने काम गर्ने बताइएको छ ।
व्यास गाउँपालिका वडा–२ का वडा अध्यक्ष धिरन सिंह बुढाथोकीका अनुसार छाङरुमा ११० परिवार तथा तिङ्करमा ७० परिवारको बसोबास रहेको छ । नेपाल–भारत जोड्ने सीतापुल नाकाबाट व्यासी सौका समुदाय भारतको बाटो हुँदै तिङ्कर पुग्ने छन्।
Discussion about this post