बाँके कार्तिक २ गते । कोहलपुर नगरपालिकमा निर्माणाधिन आधुनिक बसपार्क आज देखि बिधिबत रुपमा संचालनमा आएको छ । करिब ४ करोड ३९ लाखको लागतमा निर्माण गरिएको बसपार्क शुरु भएको हो ।
बसपार्कको उद्घाटन गर्दै कार्यक्रमका प्रमुख अथिति, नेपाल सरकारका सहरी विकास मन्त्री मोहम्मद ईस्तियाक राइले कोहलपुरलाई बिकासोन्मुख सहरका रुपमा विकास गरिने बताएका छन । कोहलपुरमा निर्माण गरीएको छोटो दुरीको बसपार्कको उद्घाटन गर्दै मन्त्री राइले कोहलपुर केही वर्षभित्रै विकशित सहरका रुपमा स्थापित हुने बताए ।
सानातिना समस्यालाई लिएर बिकासमा बाधक नबन्न मन्त्री राईले अनुरोध गरे । आउने पिढिका लागि सबैले बिकासमा हातेमालो गरेर अगाडी बढ्न सुझाव दिनुभयो । उनले भने नेपाल सरकारको सम्पतीमा कसैले छाड नगर्न भन्दै नचाईने कुरामा चर्चा मा न आउन समेत अनुरोध गरे । बाँके को समग्र बिकासमा स्थानिय निकाय पनि संविधान भित्र रहेर काम गर्न र प्रदेश सरकार र संघिय सरकार संग सहकार्य गरेर अगाडि बढ्न समेत अनुरोध गरे । संबिधान ले कसैले पनि गलत गर्ने हरुलाई नछोड्ने र त्यस बिपरित गएर कुनै पनि कार्य नगर्न र नगराउन समेत अनुरोध गरे ।
नेपालगंञ्ज उपमहानगरपालिका को बिकास पछी अब कोहलपुरको बिकासको काम अगाडि बढि सकेको र अहिले को बजेटले पनि कोहलपुरको बिकासमा बढी लक्षित गरेको जानकारी दिदै मन्त्री राई ले भाबि पुस्ता लाई शुन्दर नगरपालिका हस्तान्तरण गर्ने जिम्बेवारी हामी सबैको रहेको बताए ।आफ्नो गृहजिल्ला समेत रहेकाले बाँकेको समग्र विकासमा आफु प्रतिवद्ध रहेको मन्त्री राइले जिकिर गरे ।
नयाँ बसपार्कभित्र ११० मिटरका १३ वटा लेन निर्माण गरीएको छ । करिब ८ सय सवारी साधनहरु आवत जावत गर्न सक्ने क्षमताको कोहलपुर बसपार्कलाई छोटो दुरीको बसपार्कका रुपमा बिकास गरीने र छिटै लामो दुरीको अत्याधुनिक बसपार्क अबको तिन बर्षमा निमार्ण हुने कोहलपुर नगरपालिकाका प्रमुख लुटबहादुर रावतले जानकारी दिए ।
कोहलपुर चौराहदेखी पूर्वतर्फ लामो दुरीको बसपार्क निर्माणकालागि प्रक्रिया अगाडी बढाईएको र अब चाडै काम सुरु हुने समेत जिकिर गरे ।
कार्यक्रम को प्रमुख अथिति शहरी बिकाश मन्त्री मोहम्मद ईस्त्याक राई र सभाअध्यक्षमा कोहलपुर नगरपालिका का मेयर तथा कोहलपुर नगर विकास समिति का अध्यक्ष लुट बहादुर रावत ले गरेका थिए ।
Discussion about this post