बाँके मंसिर १३ गते ।
नेपालगन्ज उपमहानगरपालिका ६ फुल्टेक्रास्थित श्री १००८ हडियाबाबा मन्दिर परिसरमा भण्डारा सुरु भएको छ । श्री १००८ योगीराज हडिया बाबाको वार्षिक पुन्यतिथिका अवसरमा प्रत्येक वर्ष झैँ यस वर्ष पनि बुधवारदेखि भण्डारा सुरु भएको हो ।
भण्डाराका अवसरमा मेला तथा श्रीरामलिला मंचन भइरहेको छ । भण्डारामा भारत लगायत नेपालको बाँके, बर्दिया, दांगका करिव ८ सय भक्तजन तथा बाबाहरु आउने हडिया बाबा ब्यवस्थापन समितिका अध्यक्ष नन्दलाल बैश्यले जानकारी दिए । मंसिर १७ गतेसम्म संचालन हुने भण्डारामा रामलिला धार्मिक नाटक मंचन हुने उनले बताए ।
समितिले आयोजना गरेको पत्रकार सम्मेलनमा अध्यक्ष बैश्यले १४ मंसिरमा श्रीराम जन्म, १५ गते मिरा लिला, १६ र १७ गते क्रमशः हरिशचन्द्र नाटक र वर्षानीक िलठ मार होली तथा १८ गते धनुष यज्ञ हुने जानकारी दिए ।
हडिया बाबाको पुजापाठ गरे मागेको मनोकामना पुरा हुने विश्वास गरिन्छ । भण्डारा तथा मेलामा धेरैजसो भक्तजन हडियाबाबा मन्दिर परिसर पुगिसकेको मेला आयोजक समितिका संयोजक बृजेशबहादुर सिंहले बताए । उनले बाबा र भक्तजनहरु आउने क्रम जारी रहेको बताए । ‘अन्तिम दिनसम्म ८ सय बाबाहरु हडियाबाबा मन्दिर परिसरमा पुग्नेछन्,’ उनले भने । मेलामा आएका भक्तजन र बाबाहरु रातभर जाग्राम बस्ने र भजन, कृतन गर्दै आएका छन् ।
Discussion about this post