सरला सुवेदी
बाँके माघ २६ गते ।
बाँकेको कोहलपुरमा बिहिबारदेखि प्रादेशिक महोत्सव संचालनमा आएको छ । नेपाल घरेलु तथा साना उद्योग महासंघ कोहलपुरद्वारा संचालित महोत्सवको भौतिक पुर्वधार तथा यातायात मन्त्री प्रकाश ज्वालाले उद्दघाटन गर्नुभएको छ।
महोत्सवको उद्घाटन गर्दै मन्त्री ज्वालाले स्थानिय उत्पादनलाई विशेष प्राथमिक दिनुपर्ने बताउनु भयो । मन्त्री ज्वालाले महोत्सवलाई मनोरञ्जनका रुपमा मात्र सिमित गर्न नहुने भन्दै अर्गानिक उत्पादनलाई प्रबर्द्धन गरी स्थानियलाई आयआर्जनको क्षेत्रमा जोड्न महोत्सवले महत्वपूर्ण भूमिका खेल्ने विश्वास ब्यक्त गर्नु भएको छ।
उहाँले स्थानिय उत्पादलाई प्रवर्द्धन गर्ने र कृषि घरेलु उत्पादनलाई राष्ट्रिय अन्तर्राष्ट्रिय बजारमा बजारीकरण गर्न विभिन्न कार्यक्रम मार्फत आफु सधै सक्रिय रहने बताउनु भयो।
उहाँले आफु पनि अग्रानिक उत्पादनबाट प्रभावित भएको हुँदा महोत्सवमा उपस्थित रहनु भएका सबैलाई अर्गानिक बस्तुको प्रयोग गर्न आग्रह समेत गर्नुभयो।
मन्त्री ज्वालाले अरुले गरेको उत्पादन आफुले हेर्ने मात्र होइन आफुले पनि कृषि उत्पादन गर्ने तर्फ जागर चलाउन समेत अनुरोध गर्नुभयो।
उद्घाटन सत्रमा बोल्दै मन्त्री ज्वालाले बैदेशिक रोजगारिमा जादा सिप सिकेर गर्व गर्ने सक्ने काम सिकेर बिदेश जानु युवाहरुलाई आग्रह गर्नु भएको छ। जहाँ सिप हुन्छ त्यहाँ सम्मान पनि हुने बताउनु भयो।
महोत्सवको उद्घाटन सत्रमा लुम्बिनी प्रदेशका शहरी विकास मन्त्री कृष्ण केसी नमूना, संघिय सभा सदस्य सुर्य ढकाल, प्रदेश सभा सदस्य दुर्गा प्रसाद चौधरी, बसन्ती अधिकारी लगायत दर्जन बढिले महोत्सव सफलताको शुभकामना सहितको मन्तब्य राखेका थिए ।
Discussion about this post