वसिम अन्सारी
बाँके जेठ २७ गते ।
वडा प्रहरी कार्यालय नेपालगन्जले समुदायसँग प्रहरी नागरिक सुनुवाई कार्यक्रम गरेको छ । नागरिक सुनुवाई कार्यक्रममा वडा प्रहरी कार्यालय नेपालगन्जका प्रमुख प्रहरी निरीक्षक हरिबहादुर विसीले ट्राफिक नियम र सवारी दुर्घटनाबाट जोगिने उपायको बारेमा जानकारी दिए । उनले ट्राफिक नियमको पालना गरेको खण्डमा सवारी चालक सुरक्षित हुने कुरा बुझ्न जरुरी रहेको बताए । उनले भने, ‘ट्राफिक नियमको उलंघटन गरे आफूनै दुर्घटनामा पर्ने र क्षति आफूलाई नै हुन्छ भन्ने कुरा सर्वप्रथम बुझ्न जरुरी छ । ट्राफिक नियमको पालना गरी आफै सुरक्षित हुन मेरो आग्रह छ । ट्राफिक नियम उलंघन गर्नेलाई कारवाही गर्ने र क्षति न्यूनिकरणका लागि प्रहरीले आवश्यक अभियान चाल्ने नै छ ।’
उनले मिश्रित समुदायको वसोबास भएको र जनघनत्व पनि बढि नै भएका कारण बिभिन्न खाले अपराधहरु घट्ने गरेको बताए । ‘वडा प्रहरी कार्यालयको क्षेत्रमा मुख्यतयाः लागु औषध ओसारपसार तथा सेवन, कर्तब्य ज्यान, जबरजस्ती करणी, चोरी, लुटपाट, वालबिबाह, वहुबिबाह जस्ता जघन्य अपराधहरु हुने गर्दछन् । सानातिना विबाद, झैँ–झगडा, कुटपिट, गाली बेइज्जती, जग्गा जमिन विबाद बाट सृजना झैँ–झगडाहरु ठाडो उजुरी मार्फत यस कार्यालयमा आउने गर्दछन्,’ उनले भने ।
प्रहरी निरीक्षक विसीले गत साउन १ गतेदेखि जेठ २५ गतेसम्म ५५० वटा उजुरी दर्ता भएको बताउँदै दर्ता भएका उजुरी मध्ये ४१३ वटा उजुरी छिनोफानो भएको जानकारी दिए । उनले घरेलु हिंसा सम्बन्धि ३४ वटा उजरी दर्ता भएकोमा २८ वटा छिनोफानो भएको बताए ।
उनका अनुसार वडा प्रहरी कार्यालय नेपालगन्जले साउन १ देखि जेठ २५ गतेसम्म ४८ लाख ५५ हजार १६५ रुपैयाँ बराबरको अवैध सामान बरामद गरेको छ । सामुदायिक प्रहरी साझेदारी कार्यक्रम अन्तर्गत
वडा प्रहरी कार्यालयले आत्महत्या न्यूनिकरण सम्बन्धी ७ वटा सचेतनामुलक कार्यक्रम संचालन गरेको बताउँदै प्रहरी निरीक्षक विसीले साईवर अपराध सम्बन्धी ५ वटा सचेतनामुलक कार्यक्रम संचालन गरिएको बताए ।
त्यसैगरी, लागुऔषध सम्बन्धी ७, बाल बिबाह तथा बहुबिबाह सम्बन्धी ४, मानब बेचबिखन सम्बन्धी ३, लैङ्गिक हिंसा सम्बन्धी १६ दिने अभियान अन्तर्गत १४, जेष्ठ नागरिक दुर्व्यवहार बिरुद्ध १, जातिय भेदभाव तथा छुवाछुत सम्बन्धि १, एक पटक सरसफाइ कार्यक्रम र घरेलु हिंसा सम्बन्धी २ वटा सचेतनामुलक कार्यक्रम गरिएको बताए । उक्त कार्यक्रमबाट ९ हजार ४५ जना लाभान्वित भएको उनको भनाई छ ।
वडा प्रहरी कार्यालयले करिव एक वर्षको अवधिमा अदालतबाट फैसला भई फरार रहेका २५ जनालाई पक्राउ गरेको छ । पक्राउ परेकाबाट ६ बर्ष १ महिना २८ दिन कैद र ९३ हजार ६५६ रुपैयाँ जरिवाना असुल गरेको विसीले बताए ।
चोरी, लुटपाट, झैँ–झगडा, कुटपिट,मादक पदार्थ सेवन, ठगी, सवारी दुर्घटना तथा अन्य मुद्दामा आवश्यक कार्बाहीको लागि २४१ जना र २० थान मोटरसाइकल जिल्ला प्रहरी कार्यालय बाँकेमा पठाइएको उनले जानकारी दिए ।
६ हजार ६ सय मिलिग्राम लागुऔषध ब्राउनसुगर सहित ८ जनालाई पक्राउ गरि आवश्यक कारवाहीका लागि जिल्ला प्रहरी कार्यालय बाँकेमा बुझाइएको उनले बताए ।
कार्यक्रममा नेपालगन्ज उपमहानगरपालिका ५ वडाका वडा अध्यक्ष सराफत खानले ट्राफिक नियमका बारेमा सर्वसाधारणलाई जानकारी गराउन सकेको खण्डमा सडक दुर्घटना न्यूनिकरण गर्न सकिने बताउँदै यसका लागि प्रहरीले सचेतना अभियान संचालन गर्नुपर्ने औँल्याए । उनले सडक दुर्घटना न्यूनिकरणका लागि प्रहरीले गर्ने अभियानमा वडा कार्यालयले सहयोग गर्ने प्रतिवद्धता जनाए ।
सो अवसरमा नेपालगन्ज उपमहानगरपालिका वडा नं. ६ का वडा अध्यक्ष समिर प्रताप सिंहले ट्राफिक नियम उलंघन गरे आफैलाई क्षति पुग्ने कुरा सर्वसााधारणलाई जानकारी दिन आवश्यक रहेको औँल्याए । उनले प्रहरीले भनेको कुरा नमान्दा सडक दुर्घटना भई क्षति ब्यहोर्न परिरहेको बताउँदै उनले सडक दुर्घटना न्यूनिकरण गर्न सवैले नियम पालना गर्न जरुरी रहेको बताए ।
Discussion about this post