बाँक चैत २३ गते ।
समाजसेवी राजा खानले क्रिकेट मैदान निर्माणका लागि डुडुवा गाउँपालिका ६ स्थित आफ्नो निजी जमिन दिन तयार रहेको बताएका छन् । नेपालगन्जको विशाल चोक खेल मैदानमा भोलिदेखि हुन लागेको रात्रिकालिन ‘राजा खान नेपालगञ्ज टी–ट्वेन्टी क्रिकेट’ प्रतियोगिताको बारेमा जानकारी दिन आयोजित पत्रकार सम्मेलनमा उनले क्रिकेट मैदान निर्माण गर्न आवश्यक पर्ने आफ्नो निजी जमिन उपलब्ध गराउन तयार रहेको बताएका हुन् ।
स्थानीय सरकारले जमिन नभएका कारण क्रिकेट स्टेडियम बनाउन नसकेको बताउँदै आएपछि समाजसेवी राजा खानले क्रिकेटको विकासका लागि आफ्नो निजी जमिन प्रदान गर्ने स्पष्ट पारे । ‘स्थानीय तहलाई आवश्यक महुश भएमा म ३० देखि ३५ कट्ठा जमिन दिन तयार छु’ उनले भने, ‘स्थानीय तहलाई जहिलेसम्म उपभोग गर्ने मन लाग्छ त्यति दिन उपभोग गर्ने अधिकार दिन म तयार रहेको जानकारी गराउन चाहन्छु ।’
नेपालगन्जमा जन्मिएका उनी देश बाहिर रहे पनि विभिन्न किसिमका सामाजिक कार्यमा सहयोग गर्दै आएका छन् । गरिव, दुखीलाई सहयोग गर्नुका साथै उनले विभिन्न सामाजिक कार्यमा समेत आफ्नो तन, मन र धन लगाउँदै आएका छन् ।
उनले नेपालगन्जमा क्रिकेट मैदान नभएका कारण यहाँका खेलाडीले अभ्यास खेल तथा प्रतियोगिता गर्न नसकेकोमा दुख ब्यक्त गरे । ‘नेपालगन्ज क्रिकेटको उद्गम स्थल हो ।
यहाँका खेलाडीले राष्ट्रिय, अन्तर्राष्टिय खेलका सहभागी भएर उपाधी समेत हाँसिल गरिसकेका छन्, तर यहाँका खेलाडीले अभ्यास खेल समेत खेल्न नपाउने अवस्था छ, यो भन्दा दुखद के नै हुन सक्छ,’ उनले भने ।
उनले नेपालगन्जको क्रिकेट विकासका लागि आवश्यक सहयोग गर्न तयार रहेको समेत उनले बताए । ‘म नेपालगन्जलाई क्रिके
तेस्रो संस्करणको राजा खान नेपालगन्ज टी–ट्वान्टी क्रिकेट प्रतियोगितामा पुरस्कारको समेत बृद्धि गरिएको छ ।
यस वर्ष प्रथम पुरस्कार एक लाख ५० हजार रुपैयाँ राखिएको आयोजक संस्थाका साहिल अन्सारीले जानकारी दिए । पहिलो प्रतियोगितामा पहिलो हुने टीमलाई ५० हजार रुपैयाँ पुरस्कार दिइएको थियो भने दोस्रो प्रतियोगितामा एक लाख रुपैयाँ र तेस्रो प्रतियोगितामा एक लाख २५ हजार रुपैयाँ पुरस्कारको ब्यवस्था गरिएको छ,’ उनले भने, ‘दोस्रोलाई ६० हजार रुपैयाँ पुरस्कार प्रदान गरिने छ ।
उनले उत्कृष्ट खेलाडीलाई हिमालय साइकलले साइकल प्रदान गर्ने भएको जानकारी दिए । ‘उत्कृष्ट खेलाडीलाई विभिन्न किसिमका गिफ्ट ह्याम्परको समेत ब्यवस्था गरिएको छ,’ उनले भने ।
Discussion about this post