बाँके साउन ३ गते ।
नेकपा एमाले शिक्षा तथा मानव स्रोत विभागले नेपालगन्जमा सम्मान कार्यक्रम गरेको छ । शनिवार एक कार्यक्रमका बीच २०८१ को एसइई परिक्षामा प्रथम हुने विद्यार्थी, विद्यालय, अनेरास्ववीयु, नेपाल राष्ट्रिय शिक्षक संगठन र नेपाल बौद्धिक परिषदको राष्ट्रिय अधिवेशनमा बाँकेबाट निर्वाचित केन्द्रीय पदाधिकारी तथा सदस्यहरुलाई सम्मानित गरिएको विभागका अध्यक्ष सुर्य रोकायले जानकारी दिए ।
सम्मान कार्यक्रमलाई सम्वोधन गर्दै नेकपा एमाले केन्द्रीय कमिटी सदस्य शान्ति ढकालले पार्टी र आस्थाका संगठनबीचको समन्वय र सहकार्य अत्यन्तै आवश्यक रहेको बताइन् । उनले समन्वय र सहकार्यका माध्यमबाट पार्टी र संगठनहरुले काम गरे समग्र विकासमा सकारात्मक प्रभाव पार्ने बताइन् ।
यस्तै संविधान सभा सदस्य तथा एमाले केन्द्रीय अनुशासन आयोगका सदस्य देवराज भारले संविधान र कानूनी अधिकार जनतासमक्ष पुर्याउन पार्टीले मात्रै सम्भव नहुने भएकाले बौद्धिक वर्गहरुको अहम् भूमिका हुने बताए । कार्यक्रममा एमाले बाँकेका अध्यक्ष निरक गुरुङ, एमाले केन्द्रीय लेखा आयोग सदस्य विजया धिताल, नेपाल राष्ट्रिय शिक्षक संगठनका केन्द्रीय सचिव बामदेव सुवेदी, आदर्श मावि राँझाका प्रअ प्रकाश आचार्यले लगायतले आ–आफ्नो धारणा राखेका थिए ।
उक्त कार्यक्रममा १३ जनालाई सम्मानित गरिएको पनि रोकायले बताए । एसइई परिक्षामा ४ जिपिए ल्याइ जिल्लामा सर्वोत्कृष्ट हुने बाल विद्या मन्दिर कोहलपुरकी सिर्जना डिसी, ३.९६ जिपिए ल्याउने धम्वोजी मावि नेपालगन्जकी अदिती यादव रहेका छन् । त्यसैगरि नेपाल राष्ट्रिय शिक्षक संगठनका केन्द्रीय सचिव बामदेव सुवेदी, सदस्य रेखा धिताल र इन्दिरा गौतम, अनेरास्ववियुका अनुशासन आयोग अध्यक्ष सुमन घिमिरे, केन्द्रीय सदस्य वर्षा मल्ल रहेका छन् ।
नीति, योजना तथा अनुसन्धान आयोगका सदस्य साक्षी शर्मा, नेपाल बौद्धिक परिषदका अर्थ सचिव कृष्ण कुमार लम्शाल, केन्द्रीय सदस्य दमन डिसी, लेखा आयोगका सचिव प्रकाश रेग्मी र गोर्खा युनाइटेड पव्लिक स्कुल कोहलपुर र आदर्श मावि राँझालाई सम्मानित गरिएको अध्यक्ष रोकायले बताए ।
Discussion about this post