काठमाडौें, साउन २८ गते ।
भक्तपुरको बोडेस्थित सुकुम्बासी होल्डिङ सेन्टरमा ५७ वर्षीय हिरालाल पासवान मृत भेटिएका छन्।
जिल्ला प्रहरी परिसर भक्तपुरका डीएसपी तथा प्रवक्ता दीपकुमार कार्कीका अनुसार पासवान आफू बस्दै आएको कोठाको पंखामा सलको पासो लगाएर झुन्डिएको अवस्थामा भेटिएका हुन्।
प्रहरीका अनुसार घटनास्थलको मुचुल्का उठाइएको छ। शव पोस्टमार्टमका लागि पठाउने तयारी भइरहेको छ।
पासवान थापाथलीस्थित सुकुम्बासी बस्तीमा बस्दै आएका थिए। सरकारले त्यहाँका टहरा भत्काएपछि उनी केही समययता बोडेस्थित होल्डिङ सेन्टरमा बस्दै आएका थिए।
घटनाको कारण खुलेको छैन। प्रहरीले घटनाबारे थप अनुसन्धान गरिरहेको जनाएको छ।
ADVERTISEMENT
Discussion about this post