बाँके पुस ६ गते ।
जनप्रतिनिधिहरुले स्थानिय तहमा एकलौटी निर्णय या सरसल्लाह विना कार्य गरेको एक कार्यक्रमका सहभागिहरुले बताएका छन् ।
शुसासन प्रवद्र्धन र शुसासन निती अवस्था र भुमिका विषयक अन्तरक्रिया कार्यक्रमका सहभागि वक्ताहरुले यस्तो बताएका हुन् । जनप्रतिनिधिहरुले समस्या परेपछि मात्र अरुबाट सरसल्लाह लिने भएको हुनाले समस्या झन झन जटिल हुदै गएको उनिहरुले बताएका छन् ।
सवै जनप्रतिनिधि सबै कुरामा विज्ञ छैनन तसर्थ सम्बन्धित विज्ञ व्यक्तिसंग सरसल्लाह लिन आवश्यक रहेको उनिहरुले भनाई थियो । जनताको गुनासो पनि जनप्रतिनिधिहरुले सुन्दिनुपर्ने उनिहरुले धारणा राखेका थिए । शुसासन प्रवद्र्धनका लागि जनप्रतिनिधिहरुसंगको अन्तरक्रिया कार्यक्रममा नेपालगन्ज उपमहानगरपालिकाका उपमेयर उमा थापा मगरले जनप्रतिनिधिहरुले गरेको काम प्रति जनता खुसी रहेको बताउनुभयो ।
जनप्रतिनिधिहरुले गरेको काम प्रति कुनै र कसैसंग पनि मापन नरहेको हुनाले जनप्रतिनिधिको काम बारे गुनासा गर्न उचित नरहेको उहाँले बताउनुभयो ।
नयाँ संरचनामा जनप्रतिनिधिले सोचे जस्तो कार्य गरिरहेको उहाँले बताउनुभयो । अहिले नागरिक कर्मचारी र जनप्रतिनिधि मिलेर काम गरे कसैले कसैलाई प्रश्न गरिरहन जरुरी नभएको उहाँले बताउनुभयो ।
विकास निर्माणको कार्यमा उपभोक्ता समिती बाधक रहेको उहाँले जानकारी गराउनुभयो । शुसासन कायम गर्न नागरिकहरुलाई अगाडी सार्दा नागरिकबाटै शुसासन कायम विरुद्ध काम भैरहेको उहाँले बताउनुभयो । निति निर्माणको कार्यन्वयन गर्दा नागरिक, कर्मचारी र जनप्रतिनिधिको भुमिका अपरिहार्य रहेको उहाँले धारणा राख्नुभयो ।
जनप्रतिनिधिलाई जागरुक बनाउन सवै एकजुट हुन आवश्यक रहेको उहाँले जानकारी गराउनुभयो । कार्यन्वयन गराउन एकमत हुन जरुरी रहेको छ । शुसासन कायम गर्न सवैको उत्तिकै प्रतिनिधित्व रहेको कोहलपुर नगरपालिकाका उपप्रमुख सन्जु चौधरीले धारणा राख्नुभयो । कोहलपुर नगरपालिकाको बार्षिक नितिमा शुसासन निती रहे पनि नगरले शुसासन निती नबनाएको उपमेयर चौधरीले भन्नुभयो ।
कुनै पनि कुरा परिवर्तन गर्न धैर्यको जरुरत रहेको उपमेयर चौधरीले भन्नुभयो । स्थानिय तहमा पारदर्शिता ल्याउन हरेक ४÷४ महिनामा शुसासन कायम गर्न प्रयास भैरहेको उहाँले जानकारी गराउनुभयो । कार्यक्रममा बोल्ने वक्ताहरुले स्थानीय सरकारले सुशासनका क्षेत्रमा प्रभावकारी काम हुन नसक्दा जनप्रतिनिधिप्रतिको विश्वास जनतामा बढ्न नसकेको बताएका छन । अहिलेसम्म बाँकेका कुनै पनि पालिकाले सुशासन ऐन बनाउन सकेका छैनन् । जस्का कारण सुशासन प्रबर्धनमा प्रभावकारी काम हुन नसकेको सम्बद्ध सरोकारवालाहरुको बुझाई छ । सूचना अधिकारी राख्दैमा सुशासन र जवाफदेहिता कायम नहुने भन्दै सहभागी वक्ताहरुले सुशासन ऐन बनाएर हरेक कुराको पारदर्शीता जरुरी रहेको औल्याउनुभयो ।
कार्यक्रममा जिल्ला समन्वय समितिका संयोजक अजय श्रीवास्तव, जानकी गाउँपालिकाका अध्यक्ष रामनिवास यादव, नेपालगन्ज उपमहानगरपालिकाका उपमेयर उमा थापामगर, कोहलपुर नगरपालिकाका उपमेयर सन्जुकुमार थारु, खजुरा गाउँपालिका, बैजनाथ र डुडुवा गाउँपालिकाका उपाध्यक्षहरुले समेत सुशासन प्रबर्धनमा प्रतिबद्धता जनाउनुभयो । परस्परिक जवाफदेहिता परियोजना कार्यक्रम अन्तरगत शुसासन प्रवद्र्धन र शुसासन निती निर्माणमा स्थानिय तहको अवस्था र भुमिका विषयक अन्तरक्रिया कार्यक्रमको आयोजना सूचना र मानवअधिकार अनुसन्धान केन्द्र नेपालगन्जले गरेको थियो भने सहकार्य युएसएआईडी, एफएचआई ३६० र जिल्ला सम्मन्वय समिति बाँकेले गरेको थियो ।
Discussion about this post