खोजखबर संवाददाता बाँके पुस १३ गते ।
बढ्दै गएको चिसोको कारण नेपालगञ्ज सहित तराई मधेशको जनजीवन कष्टकर बन्दै छ ।
करिब दुइ हप्ता देखि जारी रहेको शितलहरका कारण बाँके जिल्लाका गरिब तथा बालबालिका र बृद्धबृद्धाहरु बढी प्रभावित भइरहेका छन ।
बाँके जिल्लाको ब्यपारीक नगर नेपालगञ्ज तथा कोहलपुर समेतका स्थानिय ब्यापारी र सर्वसाधारणहरु निकै मारमा परेका छन् ।
चिसोका कारण व्यापार ब्यवसाय तथा विद्यालयहरुमा समेत विद्यार्थीहरुको कम सहभागिता देखिएको स्थानियहरुले बताएका छन ।
बजारमा सर्वसाधारणहरुको उपस्थिती निकै कम भएका कारण ब्यापार राम्रो संग संचालन हुन नसक्दा स्थानिय ब्यपारीहरु आगो तापेर दिन काट्ने गरेको ब्यपारीहरुले बताएका छन् ।
त्यस्तै अत्यधिक चिसो र हुससुका कारण दिउसै सडकमा सवारी साधनको लाइट बालेर गाडी चलाउनु पर्ने अवस्था सृजना भएको छ ।
हुससुका कारण राजमार्गमा सवारी चलाउन निकै समस्या भएको सवारी चालक सुबाष कश्याप ले जानकारी दिए । चिसोका कारण कम आर्थिक अवस्था भएका परिवारहरु बढी मारमा परेका छन् भने बृद्धबृद्धाहरु समेत मारमा पर्ने गरेका छन् । बाँकेका सबै पालिकाहरु चिसोका कारण जनजीवन प्रभावित भएका छन ।
Discussion about this post